< 返回
  • 前歌手淡出轉戰大埔 搞出最旺大排檔
  •   75,274 views │ 2015年04月22日
    留言()

 

香港人鐘意鑽窿鑽隙搵好野食,近排大埔一個大排檔就好受街坊捧場,成為區內最火晒既食店,就連區外既人都專登揸車入去食,搞到日日都要排長龍等位,大排檔來講都算誇誇。

前幾日週末落大雨,記者趁機去呢間人氣大排檔睇下咩料咁巴之閉先,以為下大雨會少些客,點知照樣旺場,晚飯時段照樣要排隊等位。呢間位處大埔火車站旁嘅熟食中心大排檔,除受區內客歡迎外,很多單車友去大埔踩完單車時,都會成班人去上址幫襯,聽聞個度招牌菜有籠仔燸米飯及炸大腸等,而甜品椰皇燉奶更話要預早訂定哦,否則無得食,記者食飯時,更認出搞呢間火旺大排檔老闆來頭唔少,原來係前歌手黃翊,不過捱到好殘成個阿伯款,於是捉住佢傾幾句。

多年前憑著新秀歌唱大賽而出道的黃翊,曾被讚有張國榮影子的新人,現年47歲的黃,於1986年參加第五屆新秀歌唱比賽,跟黎明和許志安同期出道,雖然當年黃翊空手而回,但有幸被新藝寶唱片公司睇中力捧,88年與李明珠合唱漢城奧運香港版主題曲《一呼百應》,翌年再推出個人大碟,被喻為哥哥張國榮接班人,獲哥哥親自作曲《太陽傘下》,又獲安排唱第一首《龍珠》廣東話主題曲,加上主持無綫《Sunday新地帶》及接拍《淘氣雙子星》等劇,事業發展一帆風順。可惜他不顧公司反對堅持與歌手黃寶欣交往而被雪藏,黃翊名字從此在樂壇消失。之後黃跟三位姐姐在大埔合資經營大排檔,憑著著名小菜成功突圍而出,深受街坊歡迎,原來黃的父親早年曾經營茶樓生意,料不到黃最終算是子承父業,繼續在飲食行業發展,每晚七點黃金時段,黃的大排檔常有長龍出現,雖然生意不錯,但黃翊依然親力親為,可能太過瞓身關係,無時間保養,樣子挨到很殘,皺紋湧現,皮膚乾燥,跟昔日靚仔歌手相距甚遠。已跟前亞視藝人陳存正結婚並育有一子的黃翊早前曾表示,說到唱歌,他仍有期望,更希望在節目中大開金口獻唱。

不過話時話,依家娛樂圈咁低迷,如果當年繼續唱歌可能已經冇運行,點知走去搞大排檔,捱咗咁多年,雖然個樣已經冇左張國榮接班人既影子,但捱到間咁好生意既街坊大排檔出來,咪仲有成就感。所以話人生有得就有失,或者呢刻放棄嘅,可能係日後成功開始呢。
熱門新聞
  • 【黑幫14K操控】一條街十幾個妓女 元朗企街狼招拉客極擾民(足本版) 180,506 views
  • 【呢世最憎周潤發】曾經沉迷嫖賭飲 吳孟達嬲爆周潤發唔借錢(足本版) 160,012 views
  • 【監獄膳食黑幕】監獄廚房係油水位 江湖大佬可分多2隻雞翼(足本版) 125,312 views
  • 【落難西環海味店千金】胡定欣頂起頭家十幾年 仲儲到1100萬磚頭:踏實靠自己(足本版) 105,666 views
  • 【鬧市下體現形】同林峯翻撻無望 千語BB暴瘦變紙板人 (足本版) 90,642 views
  • 【經典斷正〡夜蒲直落】婚姻低潮 馬德鐘撻著胡定欣一齊返歸(足本版) 82,356 views