< 返回
  • 【投訴變羅生門】裝修公司回應:唔滿意可以拆番晒退錢!
  •   60,213 views │ 2017年11月14日
    留言()

 

本刊找到涉事裝修公司的負責人李先生,他早有準備,直指當時已即時和X小姐解決:「佢話大家簽咗份協議,我哋扣回款項俾佢,佢自己搵人處理,就係咁。」

他表示,如果客戶有不滿或有其他執漏,一般由頭執到尾直至客人滿意,但現時因已簽了協議,他們亦不會再保養:「可能佢第一次裝修,好多嘢都唔明白,好似燈飾,我哋公司都無責任去完成,佢都要求我哋一定要同佢做,而且一分錢都唔可以收,我覺得唔合理。」而工程質素未如理想,他解釋工作未完成,我們在未完成情況上定斷質素,並不合理。而他們亦扣減了部份項目金額:「當日佢男朋友在現場開個數出嚟,供度扣幾多錢,就唔係我哋開。」

至於進度慢的問題,李先生解釋因與戶主意見不合:「我哋之前同佢傾間隔同做法,同我哋後嚟要求嘅間隔同做法唔同,包括洗手間入口方向、間牆方法,我哋一路同佢傾,佢一路決定唔到增加時間,我哋有晒WhatsApp記錄。」至於安裝爐頭問題,他指是戶主說已經不用做,所以才中止工程。

他續指,如果X小姐繼續讓裝修公司繼續施工,就不會讓她扣錢:「當時無迫過佢簽依份協議,同埋協議唔係即時生效,仲有補充,表示大家傾掂個餘額,依份協議先至生效,所以佢唔係即刻要決定,佢諗清楚先轉帳俾我哋。」他重申,片中「拆嘢」的意思是如果她不滿意整個工程,就將它完全拆走,再付回錢,當我們沒有做過:「我完全唔會收佢費用,總之收咗幾多錢訂就退番俾佢!」

Facebook「裝修中伏大全」專頁版主Simon,看過雙方的回應就指,事件變成「羅生門」:「如果信戶主,拒執漏,賠幾百,否則即場拆野,迫佢即場簽同意書俾錢,形同勒索;如果信公司,戶主拒俾機會執漏,賠錢又唔接受,料錢都唔俾,咁公司按項還原,其實公司都係有好大損失。」

但他重申,由於工程未完成,現階段工程的質素未能判斷誰是誰非:「執漏係工程一部分,未執好肉酸係正常,萬一戶主覺得我趕入伙冇時間俾佢執,但好多野其實唔阻入伙。當然起羅生門情況咁嚴重真係好難判斷誰是誰非,呢個時候最好係俾雙方對質。」

採訪:財經組

攝錄:梁正平

相關連結:

【裝修糾紛】全屋未完成收廿萬 裝修師傅:我要鏟咗間屋

http://bit.ly/2yUFATr
熱門新聞
  • 【住豪宅劣質生活】呎價2萬5上層床下層客廳 住客:我都在死忍(足本版) 215,609 views
  • 【家有魔鬼僱主】有片慎入僱主狂鬧10分鐘 外傭含淚爆魔鬼家規(足本版) 164,333 views
  • 【個仔似足老豆】李琳琳老來得子 70歲姜大衛細仔只得22歲(足本版) 79,719 views
  • 【曾是180磅肥師奶】50歲李婉華身體出事 咬緊牙關減走70磅變索媽(足本版) 69,760 views
  • 【明明有老公】陳自瑤心酸湊女疲倦 死守因為王浩信玩三招箍煲 (足本版) 67,559 views
  • 【大陸生果扮日本】小心大陸老翻日本生果 果欄檔教一個字分真假 (足本版) 55,931 views