< 返回
  • 【三角戀風波】fb貼千字文呻冤 前新聞小花陳嘉倩受滋擾報警備案
  •   5,913 views │ 2018年01月10日
    留言()

 

被封「嘉倩BB」嘅前新聞小花陳嘉倩,舊年爆出同一個有案底、叫陳志遠(Stephen)嘅男人拍拖,最近更話佢係第三者,介入Stephen同無綫藝人朱婉禎嘅三年情。話晒都係宅男女神,俾人話係第三者,形象即時受損,嘉倩BB喺話自己係第三者嘅報導出咗街後,琴晚即時喺自嘅facebook專頁度貼咗段千字文,話自己受到滋擾,仲為咗咁而去咗中區報案中心備案。

嘉倩BB已經同Stephen分咗手,但係有關佢嘅負面新聞一單接一單咁出,佢就梗係唔開心,千字文入面話有關報導出過嘅新聞全部都唔係事實,又話呢半年佢不斷受到惡意的電話滋擾,搞到擔心自己人生安全有啲威脅,屋企人又好擔心等,仲話自己從來都唔係咩女神、BB,只係想拿回一個普通女仔嘅清白喎!唉,感情事真係錯綜複雜,究竟誰是誰非,真係得嘉倩BB、Stephen同朱婉禎自己三個知喇!
熱門新聞
  • 【住豪宅劣質生活】呎價2萬5上層床下層客廳 住客:我都在死忍(足本版) 193,244 views
  • 【家有魔鬼僱主】有片慎入僱主狂鬧10分鐘 外傭含淚爆魔鬼家規(足本版) 158,970 views
  • 【每日壹爆●艷星風光背後】落難時做過麥當勞大家樂 鄭艷麗: 清潔阿嬸我都做(足本版) 114,845 views
  • 【藝員失婚失業打不死】忘記老公家中荒唐搞女 50歲黎海珊素顏孖男伴出街睇戲 (足本版) 86,242 views
  • 【個仔似足老豆】李琳琳老來得子 70歲姜大衛細仔只得22歲(足本版) 77,903 views
  • 【暗寸姣婆亞姐】被萬綺雯搶走呂頌賢 傳黎海珊入廠掌摑小三(足本版) 71,360 views