< 返回
  • 【抑鬱病發一度尋死】鎅手安眠藥溝紅酒自殺 重生薛凱琪:要錫自己多啲(足本版)
  •   36,802 views │ 2018年07月13日
    留言()

 

08年,Fiona患上抑鬱症,試過鎅手,安眠藥溝紅酒,尋死慾望好高,好彩當時及時醫治,喺家人、朋友、醫生、神及自己的意志抵抗下,用咗一年時間戰勝抑鬱。「我覺得近年嚟學得最有用嘅一樣嘢就係所有唔好嘅嘢,無論係別人對待你嘅,你看見別人做嘅,或者你自己做嘅,其實都係為咗第時大家會更加好囉。人生係好好玩㗎,人生好玩在於你唔知道下一秒會發生乜嘢,你跌低過嘅,你可以利用你嘅跌低去爬起身,爬得更高,做一個例子去俾人哋睇,尤其呢兩年半學咗打坐之後,個人冷靜咗平靜咗,但仍然唔可以最冷靜,即係我以前係咁樣嘅,大到你個鏡頭係睇唔到有幾大,我就同自己講,所有嘢都有佢嘅美德。」

徘徊過生死邊緣,令Fiona明白生命可貴,感謝上帝給她重生的機會。「近年嚟嘅薛凱琪更加開心,因為我覺得所有嘢發生都有佢嘅因由,如果你信有,無論咩宗教,你信有上天,佢一定係善良,上天係你爹哋媽咪,佢唔會整啲靈魂出嚟做人,然後去整蠱折磨你。」Fiona經歷過人生最黑暗嘅時候,抑鬱呢年轉變咗佢嘅人生。「其實我個人變咗好多,如果你熟我嘅話,我係一個對住自己朋友會好多嘢講嘅人,但如果唔係好熟,我係一個好唔鍾意同人交流傾偈,我係好怕用眼去望人哋,因為我覺得我唔可以接受到咁多唔同人嘅性格,我覺得自己好狹窄,我屬於娛樂圈嘅,就係當初我以為自己唔可以識到咁多唔同類型嘅人,我唔想接觸,我覺得好驚,變到而家係好熱愛去了解每一個人,因為我覺得咁樣好有趣,我覺得性格上打贏咗自己嘅一仗。」

Fiona係家中獨女,自細受到保護,集萬千寵愛在一身。「我屋企人係少有地嘅太過顧慮我,太過擔心我。首先我係獨女,其次佢成日覺得我好易信人,但我真係嘅,因為我個人嘅宗旨就係信咗先,因為我無乜嘢俾人呃,譬如你呃我金錢,金錢係咪最重要呢?如果我好愛你,當你係一個朋友,你喺金錢上欺騙我,用金錢可以知道真相又何妨呢?我覺得無嘢係俾人呃到,信任係虛無嘅,所以我覺得我呢啲唔係叫容易俾人呃。」雖然父母已離婚,與媽咪住嘅Fiona,同爸爸嘅關係依然好好。「啱啱擒日同爹哋食完飯之後傾呢個話題就係,我同佢講其實無人可以令到你快樂或者唔快樂,甚至乎係上帝,上帝控制唔到你嘅思想嘛,唯獨是係你自己,當你了解咗呢一點嘅時候,我而家發生好多嘢,是但噏就算工作上嘅順利與唔順利,感情上嘅順利與唔順利,我就同自己講,第三者係影響唔到我開心與唔開心,除咗你自己,當你明白到呢一樣嘢嘅時候,你就要諗盡方法去令到你自己開心,真係要錫自己多啲!」

採訪:肥A

攝錄:黃志明

服裝提供:SPIRITUNUS

化妝:Frances Ho @ Jessica Chan Make-up Workshop

髮型:Jo Lam @ Muse Hai

請參與壹週刊大獎賞活動!有機會贏取郵輪假期 、名牌腕錶、4K超高清電視或金箔護膚品,仲有機會同陶傑共晉晚餐添!

即按:http://bit.ly/Appinstall18

每日大量精彩內容,立即按此連結下載《壹週刊》APP:http://bit.ly/next28app
熱門新聞
  • 【住豪宅劣質生活】呎價2萬5上層床下層客廳 住客:我都在死忍(足本版) 202,321 views
  • 【家有魔鬼僱主】有片慎入僱主狂鬧10分鐘 外傭含淚爆魔鬼家規(足本版) 161,500 views
  • 【每日壹爆●艷星風光背後】落難時做過麥當勞大家樂 鄭艷麗: 清潔阿嬸我都做(足本版) 115,181 views
  • 【藝員失婚失業打不死】忘記老公家中荒唐搞女 50歲黎海珊素顏孖男伴出街睇戲 (足本版) 86,485 views
  • 【個仔似足老豆】李琳琳老來得子 70歲姜大衛細仔只得22歲(足本版) 78,621 views
  • 【暗寸姣婆亞姐】被萬綺雯搶走呂頌賢 傳黎海珊入廠掌摑小三(足本版) 71,602 views