< 返回
  • 【忍氣吞聲14年】50歲倪詩蓓爆喊講委屈:佢話我黐線 生個仔都係黐線(足本版)
  •   68,978 views │ 2018年08月10日
    留言()

 

2004年,倪詩蓓帶着患有自閉症兒子離開香港到新加坡生活,由於以為兒子尚有機會好轉,她把握六歲前的黃金治療機會,在彼邦接受治療。但當年決定離開,原來除兒子因素外,還有不斷受到騷擾,以及黃玉郎對她說過的一句話。

「我嗰時已經好辛苦,佢無理過,擔心過個仔,呢個係令我好難過,佢淨係俾錢佢上治療。因為情緒唔穩定,就會有好多壓力,每日仲要接到啲騷擾電話,一啲女人打電話嚟,叫我帶個仔睇醫生過馬路小心啲。如果接到呢啲電話,我都係cut線,但係一個同自己喺埋一齊十幾年人,一齊七年加上生個仔成十一年,佢同我講,你黐線,生咗個仔都係黐線,我聽咗呢句話覺得好難受。」

十六歲出來工作養起成頭家,倪詩蓓自言練得十分堅強,但連串打擊,令身心疲憊的她,站在家中的落地玻璃窗前,曾經想過跳下去結束生命。

「好彩我控制到自己情緒,就喺嗰晚開始,我就決定要離開。同時當時對個仔好緊要,自閉症患者六歲前係黃金期,我一定要爭取呢兩年時間。 」她說。

Royce証實患上嚴重自閉,只停留在兩歲智商,她決定移居對自閉兒童有更多設施的新加坡生活,一住就是十一年,她說:「我四歲帶佢走,直至六歲,佢每年都有三次過嚟睇Royce,到六、七歲之後,可以話黃金期過咗,個仔都係好唔番,覺得過嚟睇佢都嘥時間,即係我覺得係咁,通常一年過嚟睇佢一、兩次。有次我知道佢去星馬,都唔去探個仔,好嬲問佢,佢話參加朋友婚宴,根本抽唔到時間。其實呢個仔對佢嚟講,都已經唔重要,如果你係重視個仔,應該細個嗰陣,你而家周圍講話要攞番個仔,我照顧到佢十八歲,你而家話攞番個仔,早嘅時候你唔去攞。」

倪詩蓓因為生病入院多次,為怕再出事沒有人照顧Royce,2014年返香港,更為Royce順利申請入住香港政府資助的自閉兒童學校。去年,黃玉郎正式入稟爭取兒子監護權。

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app
熱門新聞
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 126,311 views
  • 【新移民呃綜援實況】月入3萬歐洲旅行 老闆:佢哋富貴仲幫仔女買樓(足本版) 72,408 views
  • 【獨家斷正〡千語BB伴遊】濕身透bra跟富三代上樓 愛巢對正林峯屋企 (足本版) 68,631 views
  • 【20年父女戀】一生人得高志森呢個男人 焦媛坦白:我有戀父情意結(足本版) 63,037 views
  • 【貿易戰有生機】被遺忘的港產電視機 本地薑無奈: 大家寧願俾多兩倍錢出去買 61,077 views
  • 【獨家〡30億嫩妻半島富貴sweet】何艷娟放電嗲爆老公 吳志誠扮後生冧妻(足本版) 57,943 views