< 返回
  • 【王浩信最爆緋聞】蔡思貝曾為訊號王自殘 Cammi認深夜男方家短敍(足本版)
  •   92,119 views │ 2018年12月05日
    留言()

 

無論同陳自瑤拍拖時定係結婚後,王浩信都有過唔少亂搞男女關係嘅新聞,包括Cammi謝芷蕙、蔡思貝、陳偉琪、江嘉敏等等,其中Cammi同蔡思貝兩單最爆。

Cammi出現喺王浩信同陳自瑤拍拖期間。有晚月黑風高,Cammi谷胸戰鬥格上咗王浩信車,然後直上男方屋企逗留至少4個鐘,大約凌晨4、5點先離開。事後Cammi承認有上男方屋企,至於做過啲乜,佢就話:「去佢屋企都係普通傾下偈、食下嘢。因為我覺得佢做藝人,始終喺屋企傾會方便過喺出面傾,所以普通朋友咁樣傾下偈無乜嘢。」Cammi又話同王浩信只係普通朋友,咩事都無發生過,所以認為Yoyo唔會呷醋。

Cammi事件Yoyo或者真係無呷醋,但蔡思貝事件點都唔會無感覺。外間盛傳王浩信、蔡思貝拍《踩過界》搭上,而劇集拍攝到尾聲時,台前幕後約埋打邊爐,但王浩信就被爆同女方匿埋入VIP房兼反鎖房門,就算被拍門都唔肯開門,前後消失十幾分鐘。傳言之後傳遍電視城,Yoyo終於忍無可忍,夫妻關係急轉直下。事後王浩信堅稱係一大班人,但不久後又有傳媒影到王浩信駕車去蔡思貝獨居寓所短敍,二人關係似乎並不簡單。王浩信同蔡思貝最後告一段落,但事件仍有後續,因為女方愛得太深,為男方一度自殘身體。當然,一切都係據聞,信不信由你。
熱門新聞
  • 【呢世最憎周潤發】曾經沉迷嫖賭飲 吳孟達嬲爆周潤發唔借錢(足本版) 151,429 views
  • 【監獄膳食黑幕】監獄廚房係油水位 江湖大佬可分多2隻雞翼(足本版) 120,857 views
  • 【捱過杜汶澤婚外情】田蕊妮死守19年 俾老公用100蚊搞掂:我好崇拜佢(足本版) 104,229 views
  • 【黑幫14K操控】一條街十幾個妓女 元朗企街狼招拉客極擾民(足本版) 76,563 views
  • 【何志平種錯生基出事】富豪御用風水師爆料 何志平信錯師傅:佢難逃一劫(足本版) 73,907 views
  • 【心臟衰竭執番條命】66歲患糖尿困擾 吳孟達親述:自己辛苦身邊人都辛苦(足本版) 56,663 views