< 返回
  • 諷刺亞視未出糧 反要求員工準時返工
  •   1,170 views │ 2015年08月06日
    留言()

 

一年嚟亞視員工慘遭拖糧,六月有山東集團話事人司榮彬落咗訂認頭,員工以為白武士出現有番曙光,點知七月尾份糧,到今日(8月6日)都未出。

諷刺在,糧未有影,尋日亞視竟出通告俾員工,話公司好重視上班守時,遲到早退會嚴厲處分。過往亞視係每月月尾30或31號出糧,但依家等咗六日未有聲氣,冇飯開叫員工邊有心力準時返工。勞工法定僱主要在每月七號或之前要出糧,莫非亞視又喺法定前最後限期先放水?未有飯開,員工梗燥底,有人嬲到喺fb將亞視招聘人手廣告改圖洩憤!

至於執行董事葉家寶講到恢復各時段新聞報道,遲啲又話要整個24小時財經節目,要搞咁多嘢梗係唔夠人用啦,所以佢話會增聘人手近百人。冇錯,係一百人!佢仲話新投資者已經發放新資金及出糧添!呢啲全部都係葉家寶之前接受訪問時講嘅!

除咗叫員工準時返工,同日仲有另一張人事及架構重整通告發出,有兩個從內地空降執掌大權,一個係負責亞視二台,主管財經及新聞頻道嘅王君擎,另一個出任副總裁,OTT及主管新媒體嘅王少娟。內地高層殺到,睇嚟亞視將染紅。
糧未出,但亞視噚日當冇事發生,照出通告叫員工準時返工
另一通告係通知員工,有兩位內地人空降亞視做高層。
未出糧,員工梗係改圖洩憤。
熱門新聞
  • 【黑幫14K操控】一條街十幾個妓女 元朗企街狼招拉客極擾民(足本版) 180,506 views
  • 【呢世最憎周潤發】曾經沉迷嫖賭飲 吳孟達嬲爆周潤發唔借錢(足本版) 160,012 views
  • 【監獄膳食黑幕】監獄廚房係油水位 江湖大佬可分多2隻雞翼(足本版) 125,312 views
  • 【落難西環海味店千金】胡定欣頂起頭家十幾年 仲儲到1100萬磚頭:踏實靠自己(足本版) 105,666 views
  • 【鬧市下體現形】同林峯翻撻無望 千語BB暴瘦變紙板人 (足本版) 90,642 views
  • 【經典斷正〡夜蒲直落】婚姻低潮 馬德鐘撻著胡定欣一齊返歸(足本版) 82,356 views