< 返回
  • 高登《巴絲打》 15蚊教你脫毒搵劣食
  •   728 views │ 2015年09月24日
    留言()

 

香港大熱嘅網上討論區「香港高登討論區」,之前揚言要踩過界,推出月刊《巴絲打》,嚟緊將於9月29日正式面世。人稱「方丈」嘅高登CEO林祖舜一直收收埋埋,唔講月刊內容同售價。今日(9月24日)《巴絲打》創刊號封面曝光,封面人物係撐起黑色雨傘嘅林祖舜,唔少得經典嘅「膠神」高小登Icon喇;而月刊英文名為「Goodest Magazine」,創刊價為15蚊,屆時喺於各大OK便利店有售。

大家上高登,從來唔使錢,大家好關心俾15蚊有咩睇。就咁睇封面,都可以推測吓創刊號部分內容,例如「劣食改造」、「脫毒工程」及「尋找明將」,目測係會同「打大佬」向本港各大難食之最挑戰、曲線教吓拍拖、打扮有關。

另外參考埋《巴絲打》特登開嘅官方網頁,仲介紹到月刊裡面會有唔少專欄,成功邀請到一班高登出晒名嘅「潮文作家」,好似「堂前燕」、甜故《一路向西》作者「向西村上春樹」,仲有之前喺土耳其將「Free Wifi」串錯做「Free Wife」嘅旅遊作家項明生等。

叫得《巴絲打》,據知巴打們會有「動漫專題」;絲打們會有「心事區」;另外林祖舜仲會邀請商界人士分享吓創業、營商心得。

咁出咗月刊,大家平日上開嘅高登又點先?據知《巴絲打》仲會推出全港首個討論區及雜誌雙連載小說,讀者想追晒小說,就要分別喺網上討論區同雜誌睇喇;而網民仲喺討論區留言,一起創作小說情節。

《壹》仔就想知,高登甜故又可唔可以印落月刊出街呢?
熱門新聞
  • 【呢世最憎周潤發】曾經沉迷嫖賭飲 吳孟達嬲爆周潤發唔借錢(足本版) 156,100 views
  • 【黑幫14K操控】一條街十幾個妓女 元朗企街狼招拉客極擾民(足本版) 149,309 views
  • 【監獄膳食黑幕】監獄廚房係油水位 江湖大佬可分多2隻雞翼(足本版) 123,237 views
  • 【捱過杜汶澤婚外情】田蕊妮死守19年 俾老公用100蚊搞掂:我好崇拜佢(足本版) 104,841 views
  • 【鬧市下體現形】同林峯翻撻無望 千語BB暴瘦變紙板人 (足本版) 81,305 views
  • 【何志平種錯生基出事】富豪御用風水師爆料 何志平信錯師傅:佢難逃一劫(足本版) 74,412 views