< 返回
  • 前港腳開班教波 執到正搞青年隊唔收錢
  •   22,305 views │ 2015年10月10日
    留言()

 

本土政治氣候下,香港足球又再熱鬧起來,港隊成員頃刻像球星。蘇來強,三十三歲,十七歲時由街場橫空入甲組,也踢過港隊,今季正式告別職業足球,全職在他的足球學校「自由人」教波。

蘇來強和趙俊傑、馮振霆、溫遠雄等一班前福建隊友,一三年九月創立「自由人足球發展公司」。「十年前踢福建時已覺得,踢波的前景唔係太好,嗰時已諗,將來有機會,不如搞一個公司,又可以搞足球隊,又可以教波,又可以賺錢。」他們四人,連同東方中場李康廉,是公司負責人,行政由現時踢黃大仙的趙俊傑負責,教波工作由餘下四人分擔。

自由人成立初衷,是想年輕人可以有較正規的訓練,但他們開業之時,足球學校正於香港興起,名牌球會如阿仙奴、車路士,均於香港設校,有前港腳帶隊,又有充足資源,起碼唔使驚冇場。「一開業時,我們租咗啲石地場,打算教小朋友,但收生唔太好。」碰壁唯有求變,轉向大人埋手。「不如試搞成人班,成人消費能力高啲,成人也想學踢球,所以搞了成人班,人數都頗理想。」成人班現時只開一班,學費一個月六百元,一星期一課,學生有廿多人,現在打算開設港島班。

眼下足球一片狂熱,但他覺得,社會對足球員,仍是不看好。「我好記得,上年U16,我問他們有沒有人想做足球員,全部你眼望我眼,只有一個人舉手。」因此,蘇來強繼續四出找贊助,以不收費的形式搞青年隊,出戰地區聯賽。有別某些行家只得教練隨隊,自由人每次出戰,除教練外,還會有攝影師、物理治療師隨隊。「我想年輕球員有這個思想:踢波是有人理會的,受認同的,背後真係有人支持你。」

蘇來強的足球生涯不算太順,十七歲時透過外展社工引薦,加盟二合青年軍,之後踢過福建、大埔、傑志等,試過無糧出,也試過月薪兩萬多的好景。他現時一家四口,住於軒尼詩道的百多呎劏房,除自由人教波外,另要兼職多份教波工作,月薪勉強維持兩萬。自由人幸好得穩定贊助,現時剛收支平衡,唔蝕亦唔賺,但業來強亦很想繼續搞這隊波。「我們鍾意足球,所以冇諗太多教練會有咩前景。只要令到有人認同,會賞識足球,咁就算成功。」

撰文:莫志樑

攝錄:李育明
熱門新聞
  • 【呢世最憎周潤發】曾經沉迷嫖賭飲 吳孟達嬲爆周潤發唔借錢(足本版) 156,126 views
  • 【黑幫14K操控】一條街十幾個妓女 元朗企街狼招拉客極擾民(足本版) 149,489 views
  • 【監獄膳食黑幕】監獄廚房係油水位 江湖大佬可分多2隻雞翼(足本版) 123,251 views
  • 【捱過杜汶澤婚外情】田蕊妮死守19年 俾老公用100蚊搞掂:我好崇拜佢(足本版) 104,849 views
  • 【鬧市下體現形】同林峯翻撻無望 千語BB暴瘦變紙板人 (足本版) 81,361 views
  • 【何志平種錯生基出事】富豪御用風水師爆料 何志平信錯師傅:佢難逃一劫(足本版) 74,418 views