< 返回
  • 譚仔激戰》網民熱捧阿姐口音 Ben Sir:至少肯融入香港
  •   82,681 views │ 2016年06月10日
    留言()

 

「勿演懶肉麻勒山小(墨魚太腩肉麻辣三小辣)吓嘛?」一段youtuber模仿「譚仔阿姐」口音落單的短片去年在網上廣傳,全因食開「譚仔」的網友個個好有共嗚:女員工的確大部份都操非常有自家性格的廣東話口音。更有高登仔開post話「講野無口音嘅師奶無資格做譚仔阿姐」,引來一眾巴打正評回應。「譚仔三哥」的老闆之一六弟譚澤強亦承認,餐廳很多員工都是內地新移民:「佢哋鍾意介紹同鄉或者朋友來做,結果慢慢變成一種風氣。」

唔少香港年輕人不承認自己是中國人,甚至會視內地人或新移民為「蝗蟲」,覺得他們搶香港資源;但同時又很接受譚仔阿姐的口音,甚至感覺親切。這兩件事看似十分矛盾,但曾跟「譚仔三哥」合作,拍片「自抽」員工說話口音的中大中國語言及文學系高級講師歐陽偉豪(Ben Sir)就有自己一套解讀:「佢哋肯講廣東話,即係肯融入我哋嘅文化,佢講得唔好聽都盡力,仲靠廣東話搵食,呢份投入感,令我哋呢啲食客,覺得佢哋好親切。」

Ben Sir坦言自己不常食譚仔,但都覺得「譚仔阿姐」的口音好一致,笑言︰「真係個個口音都係咁,我懷疑佢哋係咪有內部training?去其他地方都有阿姐,大家樂、大快活都冇咁統一。」他預期,這種口音會隨著內地新移民在香港的比例上升,而越來越普遍:「但都係好事,越碼佢哋肯講,唔會叫我哋香港人用普通話來同佢哋講……喺廣州,本地人去食肆或者搭的士,如果對方唔係本地人,可能會要求返本地人講普通話,好慶幸香港未係咁。」

講到尾,就算阿姐講極竹笙都變「畜牲」,始終都是她們願意在香港打拼的表現:「佢咁尊重佢嘅工作,我哋做食客,即使有好多唔同立場,都會想包容佢。」總之只要接納和尊重香港文化,願意在這片土地付出,就是香港人。

採訪:關冠麒 黎雅婷 陳穎詩

攝錄:李育明 胡智堅 葉漢華
熱門新聞
  • 【呢世最憎周潤發】曾經沉迷嫖賭飲 吳孟達嬲爆周潤發唔借錢(足本版) 156,100 views
  • 【黑幫14K操控】一條街十幾個妓女 元朗企街狼招拉客極擾民(足本版) 149,309 views
  • 【監獄膳食黑幕】監獄廚房係油水位 江湖大佬可分多2隻雞翼(足本版) 123,237 views
  • 【捱過杜汶澤婚外情】田蕊妮死守19年 俾老公用100蚊搞掂:我好崇拜佢(足本版) 104,841 views
  • 【鬧市下體現形】同林峯翻撻無望 千語BB暴瘦變紙板人 (足本版) 81,305 views
  • 【何志平種錯生基出事】富豪御用風水師爆料 何志平信錯師傅:佢難逃一劫(足本版) 74,412 views