< 返回
  • 離地中產變怒火中年 經紀無悔失生意:忍唔到689
  •   33,591 views │ 2016年07月17日
    留言()

 

本土主義組織「調理農務蘭花系」,三年多前在東北發展計劃公聽會上「一罵成名」,近年亦積極參與網上平台發聲。組織主席馬健賢(啤梨)接受《壹》仔專訪時指,本身有車有樓,生活無憂「就係頂唔順689」,決定走出街頭,打倒梁振英。

「我哋蘭花系,調理農務達三十年,日出而作,日入而息,與世無爭,但福街梁振英,割地賣港,毀我家園!」幹事莊明堅當年在公聽會發言技驚四座,說的正正是啤梨的寫照。四十八歲的啤梨,名乎其實「離地中產」,他出身在小康之家,都是在八十年代賺第一桶金:「第一日返工,當時十八、九歲,喺係一間尖沙咀賣抽紗、紀念品,老闆話得架啦,你坐喺到收錢就得,就行開,我梗係諗實無生意,點知好多歐美遊客,咩國籍都有,我一個人第一日就做咗四、五萬生意。」

到九十年代,啤梨有感自己不適合打工,決定開鋪頭做老闆:「以前仲係放任式,俾你去慢慢發展,之後公司開始轉型,打工開始抑壓個人嘅發展,原來喺大公司俾意見都係犯罪,一啲競爭對手或上司就睇唔順眼,同依家政府一樣,於是我死死地氣出嚟(做生意)。」

啤梨原本在零售業界發展,最厲害曾擁有一間三千呎的高級雜貨店,但卻做了一生最錯的決定:「個形式好似依家LOG-ON咁,例如一蚊買十二條電話繩,出到嚟一條賣五十九蚊,啲客仲買得好開心,我覺得好有滿足感。但之後租約陸陸續續完,我就想將所有鋪group埋一間大嘅,但係嗰時犯咗個最大嘅錯誤。我由細到大都講唔好去嗰到做生意,嗰到啲人唔係人,但嗰時就好似啲女人鐘意啲衰男人咁,鬼掩眼,嗰到就係北角。」

不夠三日,啤梨決定與業主商量,將店鋪結束,他指出那時業主雖是左派,但都願意提早結束租約:「嗰時我就知原來喺一個良好制度底下,有一啲政治意見或信念好唔同嘅人,其實都未必係壞人。但係依家成個制度扭曲咗,黃絲打人就要拉,藍絲就隻眼開隻眼閉,咁嘅情況底下,仲有唔少同我一齊成長嘅朋友仲走去支持警隊,我就好失望。」

現時啤梨輾轉經營地產代理及飲食,他直言因「唱衰政府」,影響生意:「做代理都仲ok,之後開餐廳就完全唔得,你問我知道係咁,仲會唔會咁高調,我真係唔知,我諗我都會,因為真係忍唔到(689)。」

採訪:梁延宇

攝錄:關永浩 鄭樹清
熱門新聞
  • 【呢世最憎周潤發】曾經沉迷嫖賭飲 吳孟達嬲爆周潤發唔借錢(足本版) 156,100 views
  • 【黑幫14K操控】一條街十幾個妓女 元朗企街狼招拉客極擾民(足本版) 149,309 views
  • 【監獄膳食黑幕】監獄廚房係油水位 江湖大佬可分多2隻雞翼(足本版) 123,237 views
  • 【捱過杜汶澤婚外情】田蕊妮死守19年 俾老公用100蚊搞掂:我好崇拜佢(足本版) 104,841 views
  • 【鬧市下體現形】同林峯翻撻無望 千語BB暴瘦變紙板人 (足本版) 81,305 views
  • 【何志平種錯生基出事】富豪御用風水師爆料 何志平信錯師傅:佢難逃一劫(足本版) 74,412 views