< 返回
  • 【八卦陣】鄧家彪鄭泳舜慈父上身
  •   9,847 views │ 2017年10月04日
    留言()

 

青年新政梁頌恆、游蕙禎因宣誓案失去嘅新東同九西議席,將會補選。建制派喺新東相信由工聯會前立法會議員鄧家彪上陣,九西就派民建聯鄭泳舜披甲。佢兩個最近不斷宣傳谷人氣,仲齊齊喺facebook慈父上身,唔通覺得有助選情?

有三個仔嘅深水埗區議員鄭泳舜,喺fb搞咗個節目《老老豆豆》,之前同民建聯立法會議員陳恒鑌、張國鈞,分享老豆經同子女教育問題。佢話自己係三個仔嘅「玩伴」,透過玩樂建立親子關係;三個老豆仲喺節目推介週末親子遊好去處。

鄧家彪更加父愛爆棚,上載短片「父女的愛與堅持」,話說個女澄澄要表演粵劇,佢當然去捧場,但又要出席工聯會活動,完咗活動趕返去睇個女,成個廿四孝爸爸咁款。

根據鄧家彪fb預告,鄭泳舜已經同佢以及周浩鼎拍咗集《老老豆豆》。面對選戰,兩個都建立好爸爸形象,幫唔幫到選情就未知。但好似鄭泳舜獲得嘅like,都係得百幾個咁上下,網民唔算好buy囉。

撰文:巫不言
鄧家彪同愛女一齊拍短片,顯示佢好爸爸一面,唔知係咪會有助選情呢。鄧家彪facebook截圖
鄭泳舜其中一集《老老豆豆》,like嘅人數得百零人,反應麻麻。鄭泳舜facebook截圖
熱門新聞
  • 【住豪宅劣質生活】呎價2萬5上層床下層客廳 住客:我都在死忍(足本版) 197,191 views
  • 【家有魔鬼僱主】有片慎入僱主狂鬧10分鐘 外傭含淚爆魔鬼家規(足本版) 160,081 views
  • 【每日壹爆●艷星風光背後】落難時做過麥當勞大家樂 鄭艷麗: 清潔阿嬸我都做(足本版) 115,007 views
  • 【藝員失婚失業打不死】忘記老公家中荒唐搞女 50歲黎海珊素顏孖男伴出街睇戲 (足本版) 86,368 views
  • 【個仔似足老豆】李琳琳老來得子 70歲姜大衛細仔只得22歲(足本版) 78,202 views
  • 【暗寸姣婆亞姐】被萬綺雯搶走呂頌賢 傳黎海珊入廠掌摑小三(足本版) 71,486 views