< 返回
  • 【織補70年】戰前西營盤窄巷開小檔 巧手補舊衣
  •   14,216 views │ 2017年10月10日
    留言()

 

在西營盤東邊街,遙遙就看到一個白色的招牌,上面以紅色寫上「織補」二字。這是香港絕無僅有專做織補的老店。由一九零四年至今,開業已超過一個世紀。現年八十三歲的李炳康(李師傅)作為第二傳人,仍堅持串起針線,織補破爛舊衣。

當年李師傅十三歲開始跟父親學織補,自此就開始他七十年織補生涯。十六歲那年,父親因意外過世,他正式接手織補小檔,在東邊街這窄巷默默為街坊織補舊衣。有別於一般縫補,李師傅指織補是專科,除了需時更長,更花心思和手藝,「做法唔同,唔係就咁縫埋兩邊,要跟足紋理。」

七十年來,李師傅織補無數衣飾。「最貴?戲服都有好多。戲班好肯使錢,使成萬蚊都得。但我拒絕咗,太蹝時間,做唔到其他街坊生意。」當中,他亦創造不少富人情味的故事。「 有一次,嗰個人無錢攞衫,佢話要放低身分證俾我,第日帶錢嚟俾返我。我叫佢唔好,第日先俾錢,唔要佢張身分證。最後佢都有帶錢嚟俾返我。」

李師傅指,以前的人,同一件衣服,由結婚開始穿,一直到兒子、孫兒結婚,也仍在穿。而他亦笑說自己的衣服破損,真的不想補,破爛也照樣穿。他會幫家人補衣服,自己的卻不會。「你有無聽過『花姑娘插竹葉』,賣花嘅人插竹葉而唔係花,我都一樣。」

李師傅一生專注做自己的手藝,沒想過轉行,也未曾言退。「 廿年前,我仔已經叫我退休,我就覺得唔好唔做。唔做嘅話,我可以做咩,唔通去坐公園咩?直到依家,如果身體唔好就考慮退休啦!」

採訪:文倩儀

攝影:海江田

相關連結:

【織補70年】客人堅持縫補穿窿外套 師傅:出雙糧第一套西裝

http://bit.ly/2wIylsu
熱門新聞
  • 【住豪宅劣質生活】呎價2萬5上層床下層客廳 住客:我都在死忍(足本版) 234,366 views
  • 【曾是180磅肥師奶】50歲李婉華身體出事 咬緊牙關減走70磅變索媽(足本版) 88,837 views
  • 蔣雅文遠走台灣做基層 捱到永久失眠|斷捨離香港 86,816 views
  • 【惡魔菲傭嚇死我】誘爬露台摸下體想動刀 9歲女:佢想殺死我(足本版) 71,304 views
  • 【五層樓港女評廢青】港男無料扮四條 港女曾上游:傾好條件至一齊(足本版) 69,613 views
  • 【45歲生日有花收】結婚10年一樣恩愛 張晉難忘蔡少芬三次拒愛(足本版) 60,226 views