< 返回
  • 【織補70年】客人堅持縫補穿窿外套 師傅:出雙糧第一套西裝
  •   18,390 views │ 2017年10月10日
    留言()

 

在速食時尚的大漩渦下,人人覺得平價衣飾得來容易,棄掉也不可惜。上幾代的人還會擁有一些珍而重之的衣物,這可能是第一份工作時穿的西裝,又或是行婚禮用的裙子。李師傅縫補過的,有不少都是盛載回憶和故事的衣服。

李師傅拿起一件深啡色的西裝外套,邊指著外套邊說:「你睇下,呢件西裝穿咗好多窿,全部都係蛀壞嘅。」這位客人帶來這嚴重破爛的西裝外套,李師傅極力勸他不要修補,「不如買過件新啦!」遊說近一個小時,客人堅持李師傅一定要修補好它,這才問出個故事來—原來這西裝是客人第一次出雙糧時買的,對他來說意義非凡。

「我話要好多錢先整得好,佢話唔怕,『你話幾多就幾多,一定要整!』」師傅最後答應接下這工作,收費二千五百元,客人毫不猶豫立即付款。「呢件衫嘅布料好難買,要配啱布料先可以做到。」而且,要織補好所有破爛地方,要投入不少心機和時間,但深知這西裝的故事,李師傅幹勁十足。

一雙巧手做足七十年。李師傅藉織補手藝養活家人,更為街坊修補過不少人珍貴且有紀念價值的衣服。問到他會否想把手藝傳下去,他連連搖頭說不。「唔好啦,呢啲落後工作,我唔想害人。」這些年來,曾有不少人向李師傅拜師學藝,但他都一一回絕,更對每一個拜師者說:「我唔想害你,唔好學啦!」只因李師傅有感織補手藝式微,慨嘆這工作既辛苦又不能賺錢,沒法以此維持生計。所以,他勸喻拜師者找一份更好、更賺錢的工作,更苦笑道,「你教咗佢,但佢搵唔到食,咁咪害咗人?依家係智能時代,搵份好工,唔好做呢行。」

採訪:文倩儀

攝影:海江田

相關連結:

【織補70年】戰前西營盤窄巷開小檔 巧手補舊衣

http://bit.ly/2z9wfnd
熱門新聞
  • 【住豪宅劣質生活】呎價2萬5上層床下層客廳 住客:我都在死忍(足本版) 234,366 views
  • 【曾是180磅肥師奶】50歲李婉華身體出事 咬緊牙關減走70磅變索媽(足本版) 88,837 views
  • 蔣雅文遠走台灣做基層 捱到永久失眠|斷捨離香港 86,816 views
  • 【惡魔菲傭嚇死我】誘爬露台摸下體想動刀 9歲女:佢想殺死我(足本版) 71,304 views
  • 【五層樓港女評廢青】港男無料扮四條 港女曾上游:傾好條件至一齊(足本版) 69,613 views
  • 【45歲生日有花收】結婚10年一樣恩愛 張晉難忘蔡少芬三次拒愛(足本版) 60,226 views