< 返回
  • 【八卦陣】區議員鬧爆 外訪嘥五十萬公帑
  •   8,568 views │ 2017年11月08日
    留言()

 

每名區議員外訪,都會獲政府發放一萬蚊津貼,如果外訪有助佢哋工作,本身冇問題。但因為外訪,似乎為區議會增加咗唔少矛盾。好似灣仔區議會最近計劃外訪日本,考察大阪市議會同養老院等地方,點知因為機票同收唔齊錢嘅問題,最終搞唔成,小組主席仲辭埋職添。

沙田區議會都出現外訪爭議,該區區議員陳國強話,佢哋區議會同其他區議會一樣,準備全體議員去外國考察,但問題係仲未決定考察內容,就先決定地點,計劃去新加坡考察五日。

根據規定,區議會同轄下嘅委員會,可以前往香港以外地方進行職務訪問,但有關外訪活動,必須同區議會工作有關。陳國強就話,到依家都未知考察內容係乜,就要議員投票選定地點,根本係浪費公帑,應該取消外訪。

陳國強估計,今次外訪要使五十萬公帑,而且外訪嗰五日,全沙田同馬鞍山嘅市民,都唔會搵到任何一個區議員幫手。佢認為新加坡冇乜考察價值,不如去台灣睇吓反對黨同政府關係好過,仲喺會議上提出過,不過就冇人理佢。

撰文:巫不言
熱門新聞
  • 蔣雅文遠走台灣做基層 捱到永久失眠|斷捨離香港 130,915 views
  • 【奶奶想抱孫】打電話教床上姿勢 新抱:係咪黐線㗎(足本版) 115,834 views
  • 【曾是180磅肥師奶】50歲李婉華身體出事 咬緊牙關減走70磅變索媽(足本版) 91,016 views
  • 【惡魔菲傭嚇死我】誘爬露台摸下體想動刀 9歲女:佢想殺死我(足本版) 78,627 views
  • 【45歲生日有花收】結婚10年一樣恩愛 張晉難忘蔡少芬三次拒愛(足本版) 64,313 views
  • 【最惡頂奶奶實錄】疑神疑鬼新抱偷食 新抱:著乜衫都話我少布(足本版) 61,849 views