< 返回
  • 【Startup●又唔使再請人】翻生「自動販賣機」 同客玩遊戲無難度
  •   16,351 views │ 2017年11月13日
    留言()

 

「創業難守業更難。」此言非老土,用於新創公司身上同樣合適。「我之前嘅工作正正係幫新創公司搵投資者,或處理佢哋嘅賣盤。」iAPP智能售賣機創辦人馬旭航(Calvin),直言自己並非科研專家,相反是善於商業範疇,更摸熟了投資者心態。「香港嘅投資者多數出身於大家族,或本身係開廠或做貿易。對比歐美投資者,佢哋較鍾意易理解及貼地嘅生意,例如GoGoVan等。」而他正正看準了販賣機的普及性,希望進一步活化機身,讓其化身為感應大屏幕,創造更多可能性,包括以機代人收集問卷,再「派發」小禮物。

我點sell? 節省人力資源

「大家可以於機上填問卷或登記做會員,以即時獲得贈品或購物折扣。」於香港大學讀商科及法律出身的Calvin指一部智能售賣機,隨時能頂上數名推廣人員的工作。與客人互動的手法也能更多樣,包括玩小遊戲或觀看十五秒短片以享有優惠。而販賣機時常出現的卡貨問題,同樣能以一code解決。「如有機件故障,貨品卡住咗,我哋個感應器會探測到,客人打嚟後我哋會提供一個推廣編號,佢只要喺機上輸入,就可以即時拎翻同樣價值嘅貨品。」以不用頻撲及不需額外人手下解決問題。

集微型商店及廣告牌於一身

「明創優品喺香港本身有幾十間分店,但仍然有好多地方未有開,所以搵左我哋整左一批售賣機,變成微型商店。」其也將會跟中國電訊合作,售賣電話sim card。除了連鎖店鋪,Calvin也樂於跟小本經營的一群合作。「有個客家族生意係賣潮州傳統茶果及糕點,佢希望傳統生意都可以更年輕化,所以想喺學校同屋苑等地方放機買賣。」此就如進化版的格仔鋪一樣,能以較低資本擁有自己的「小店鋪」。另一方面,iAPP智能售賣機也如便利店般設有加盟制。「買機、加盟費連機身保養,費用大概為八萬元,加盟後我們會提供一站式營運,如地點同貨品。」Calvin的雄心所在,是希望廣泛增加售賣機數量,成為一個有效的廣告平台。「我認為零售同廣告係相輔相成,所以希望一機兩用,盡顯售賣機嘅影響力。」同行非一定是敵國,正因Calvin精於營運,因此也有跟其他販賣機公司如Gritus合作,某些計劃由對方負責設計機身。「我哋會負責搵投資者、推廣及銷售,大家各展所長。」

撰文:黃綺敏

攝影:關永浩

相關連結:

【Startup●曾錦強教路】指收集數據有優勢 用家:慳番pop-up store租金!

http://bit.ly/2iOumVN

【Startup●創業貼士】Facebook Google霸哂生意 「搵錢只能競逐呢個範圍」

http://bit.ly/2ACMmu8

熱門新聞
  • 【港大俊男毒招玩女】氹多名港女上床SM虐打 仲逼女碌卡借錢供養(足本版) 270,322 views
  • 【20億身家俾晒利智】愛到貼地29年因一件事 李連杰:我願意為她付出生命(足本版) 122,959 views
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 113,660 views
  • 【港女冧爆強國男】跳舞撒嬌服侍大陸佬 港女憑直播想買車買樓(足本版) 76,009 views
  • 【千億富豪追求】賭王一舞傾倒 邵逸夫介紹 南豐陳廷驊利智傳緋聞(足本版) 72,111 views
  • 【獨家斷正〡千語BB伴遊】濕身透bra跟富三代上樓 愛巢對正林峯屋企 (足本版) 65,207 views