< 返回
  • 【八卦陣】張俊勇出書解《基本法》 收$50被嫌賣得貴
  •   6,897 views │ 2017年11月14日
    留言()

 

港區全國人大代表下個月十九號選舉,據了解,部分有意競逐人士,已經積極展開籌備工作。至於泛民方面,據聞暫時無意派人參選,因為參選人必須簽「衰仔紙」,即係喺登記表聲明擁護中國憲法、《基本法》同一國兩制,令佢哋卻步。

上屆曾經參選但最終落敗嘅經民聯青委會顧問張俊勇 (Thomas),聽講今年會再戰。本身係基本法推廣督導委員會委員嘅佢,上個月就同另一名委員李浩然,合著咗本書叫《正本清源基本法》,講解《基本法》第一章總則內嘅十一條條文。

Thomas同《壹》仔講,其實佢喺網台節目有講解《基本法》,總共會有一百六十集,講晒咁多條《基本法》,由年初已經開始拍攝。由於坊間有唔同類型有關《基本法》嘅材料,佢想喺影片以外再匯集成書,推廣《基本法》喎。

本書總共有二十八頁,附送光碟一隻,盛惠五十蚊,總共印咗二千本。Thomas話想推廣至校園,但暫時得便利店有售。有人同佢講五十蚊太貴,佢話對定價冇乜概念,下次可以小心啲,遲下仲會將餘下一百四十九條都出埋書。唔知出咗呢本書,會唔會令佢比其他參選人更勝一籌呢?
熱門新聞
  • 【新移民呃綜援實況】月入3萬歐洲旅行 老闆:佢哋富貴仲幫仔女買樓(足本版) 141,180 views
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 127,682 views
  • 【獨家〡30億嫩妻半島富貴sweet】何艷娟放電嗲爆老公 吳志誠扮後生冧妻(足本版) 91,972 views
  • 【20年父女戀】一生人得高志森呢個男人 焦媛坦白:我有戀父情意結(足本版) 63,924 views
  • 【每日壹爆〡老董家族平價霸地】每月1萬蚊霸8萬呎地 淺水灣靚官地變董家骨灰龕 62,086 views
  • 【起點係北京新移民】何艷娟英國大改造 升呢孖四太李雲迪歐遊(足本版) 57,953 views