< 返回
  • 【兼職月賺四萬】兩年做近百場婚宴 婚禮司儀爆新人兩大甩漏位係
  •   57,277 views │ 2017年11月26日
    留言()

 

結婚一生人只有一次,不少人都會想做得最完美。近年婚禮司儀開始盛行,不少新人都願意數千元,甚至花費過萬去聘請司儀。本身是室內設計師的Leo,幫《壹》仔介紹過不少單位,原來他亦是兼職婚禮司儀。入行兩年的他就指以行內數千元一單起計,自己在旺季就試過月賺四萬。

Leo表示,他自己曾做過領隊,對口才有一定信心,見近年婚禮司儀開始流行,就在網上打聽有關資訊:「由一個唔識做婚禮司儀,經過三個月訓練就可以正式入行,期間跟過幾次唔同嘅師兄出去現場,感受吓係點做嘅。要了解成過流程,要點同人哋配合,同其他單位合作。」三個月後,他就開始向親戚朋友自薦,一路實踐一路在婚宴「吸客」:「每一次做都好似見工咁,同賓客接觸,其實得六個鐘,呢段時間內你要俾人好好嘅印象,令佢哋都覺得OK。」

他表示,大日子當天他事無大小都要自了解清楚:「兩個月之前,就會先同新人見面 等大家知道當晚的流程,同埋了解新人想要乜嘢特別環節。」他指出,帶證婚、安幫新人向長輩敬茶、拋花球、切結婚蛋糕、影相,婚禮司儀都要負責,「唔係話講兩句嘢就完成咁簡單。」

Leo主持過近百次婚宴,他指有兩大「甩漏位」新人最容易忘記:「第一就係影相,好多時新人都以為臨開席之前影晒,之後又唔記得補影番未嚟嘅賓客,我就會提佢哋俾定個list我,等臨送客前,每一個單位再補影,確保每一個人都有影到相。」此外,不少新人都會找好朋友當兄弟姊姊,但他建議:「點揀兄弟姊妹我覺得好重要,雖然多數搵平日最玩得埋嘅朋友,但當日唔係玩遊戲、逗利是、做接待咁簡單,要留意吓到底佢哋應唔應乎到,同埋平時做嘢係點。」

他就指行內大部分司儀都是兼職,若時間配合到的話不用請假就可以完成:「有時一場婚宴,可能四點幾五點要做證婚,睇吓能唔能夠早少少到現場,但你每次都係六點幾先到現場,其實令到婚宴趕唔到某啲部分,或者變到更加緊湊。」他透露,以上年來說,一個月最旺的日子都在十一、十二月,每個月都有十多單工作在手,計算起每個月都有三、四萬收入,以一個兼職來說都算十分可觀。

撰文:梁延宇

攝錄:梁正平

 

相關連結:

【同Bob合作過】婚禮司儀爆港人擺酒新娘話晒事  婚宴換六套衫狂行catwalk

http://bit.ly/2AtRMLh
熱門新聞
  • 【鹹濕牙醫〡狼影裙底】CCTV踢爆牙醫診所淫行 手機暗影大批女病人裙底(足本版) 377,766 views
  • 【港大俊男毒招玩女】氹多名港女上床SM虐打 仲逼女碌卡借錢供養(足本版) 227,273 views
  • 【明星家恐怖印傭】紅布木劍暗落邪降16年 鄭敬基驚呼:好心寒(足本版) 188,757 views
  • 【信錯16年嘅印傭】鄭敬基俾家傭偷走珠寶財物: 揭穿時佢怒睥我老婆(足本版) 121,872 views
  • 【20億身家俾晒利智】愛到貼地29年因一件事 李連杰:我願意為她付出生命(足本版) 109,934 views
  • 【剝一隻牙人生逆轉】港男剝牙昏送ICU變癱 醒來身殘失業妻自殺(足本版) 104,613 views