< 返回
  • 【同Bob合作過】婚禮司儀爆港人擺酒新娘話晒事 婚宴換六套衫狂行catwalk
  •   37,516 views │ 2017年11月26日
    留言()

 

婚禮司儀Leo主席的婚宴集中在酒店及酒樓舉行,要數到其中一次最難忘經驗,就是與電台主持人林盛斌一同主席婚宴:「嗰對新人一開始就搵咗我去做司儀,但去到婚宴前幾日,有賓客送咗份大禮,請咗Bob做嗰晚司儀,但佢就唔知新人事前已經請咗我,所以嗰日我就變咗一個協助的形式去幫手。當賓客看到佢出場時,其實全場氣氛都好高漲,基本上佢每一個小動作,賓客已經好留意。」

他指出,做過大部分的婚宴,都是以新娘作主,新郎只是間中提供意見,他就遇過不是意見不合的情況,更試過婚禮無疾而終:「我唔敢斷定一個完美的婚宴要點做,因為唔同人有唔同的要求,但建議婚禮前一年新人要有共識,當晚需要一個點樣嘅婚禮 。」對於香港的新娘,他就歸立為兩大類,「一係好hea,一係好緊張。好hea嘅當晚就好casual,但就成日超時。好緊張嘅就一定要跟足schedule,每分每秒都要寫明要做啲乜,搞到大家都好大壓力。」

他指出,最誇張試過有新娘一晚換六套衫:「新娘通常都會換四套衣服,迎賓、婚紗、敬酒同送客,但我見過有一次是換六套衣服,由於個場地設置咗一條升起嘅天橋,營造行catwalk效果,我印象中佢就走咗三轉。」新娘要求,他當然要全力配合:「喺臨開場白嘅時間,我已經暗示,當日就會有呢啲環節,因為呢個場地就好適合行catwalk。」

他補充指,是否選擇婚禮司儀,以及司儀的類形,新人就要仔細考慮:「搵司儀好多時會請朋友,或者兄弟姊妹,但要考慮人手,因為佢哋做咗成日,到夜晚都比較累。如果搵出面司儀,除咗外形配唔配合之外,都可以睇番佢之前做mc嘅片,之後可以傾吓電話,睇吓聲線配唔配合到,覺得可以嘅話,就可以約出來見面。」

撰文:梁延宇

攝錄:梁正平

相關連結:

【兼職月賺四萬】兩年做近百場婚宴 婚禮司儀爆新人兩大甩漏位係

http://bit.ly/2zhM9vp
熱門新聞
  • 【鹹濕牙醫〡狼影裙底】CCTV踢爆牙醫診所淫行 手機暗影大批女病人裙底(足本版) 380,408 views
  • 【港大俊男毒招玩女】氹多名港女上床SM虐打 仲逼女碌卡借錢供養(足本版) 246,385 views
  • 【20億身家俾晒利智】愛到貼地29年因一件事 李連杰:我願意為她付出生命(足本版) 116,522 views
  • 【剝一隻牙人生逆轉】港男剝牙昏送ICU變癱 醒來身殘失業妻自殺(足本版) 109,069 views
  • 【千億富豪追求】賭王一舞傾倒 邵逸夫介紹 南豐陳廷驊利智傳緋聞(足本版) 67,907 views
  • 【兩歲細女爭寵贏阿哥】放假變湊仔公 陳豪偏心錫晒小公主 (足本版) 62,146 views