< 返回
  • 【挑戰細絕九龍新盤】70呎客廳變睡房加工作間 設計師警告:兩個人住太屈就!
  •   35,409 views │ 2017年12月07日
    留言()

 

客廳完整3D圖:

http://bit.ly/2BNr79L

由資深投資者盧華旗下維達創建發展新盤長沙灣AVA 61,早前開出示範單位時引起傳媒嘩然,更被指是「全九龍最細」。早前曾幫《壹》仔設計過「細絕將軍澳」,會德豐MONTEREY單位的設計師Eason,今次再次挑戰更細的面積161方呎開放式單位,一看單位間隔,他已搖頭嘆息:「設計好奇怪!」

AVA 61屬單幢式物業,鄰近港鐵深水埗站,提供138伙,一層6伙設計,當中5伙屬開放式單位。記者多次要求Eason設計成二人居住,他一一拒絕:「我都係(設計)俾一個人住,如果要兩個人屈就喺呢個單位,點解唔選擇大啲嘅舊樓單位?」

Eason設計的單位以藍色及白色作主調,客廳方面,他首先棄用市面上常用的梳化床,改成獨特的機關:「將梳化反落嚟嗰時,就會變成一張床,呢度都就晒位,有足夠空間,唔會撞到電視,梳化裝嘅咕𠱸拎出嚟就係枕頭。」他指原則其實是可放置五呎床,但太「屈就」,故改成四呎,多餘的空間就用來放置飾櫃。他指出:「呢個設計,招呼朋友時,就唔使俾客人見到張床,以及煮飯時,將床反上去,油煙味道就唔容易吸入。」看來參考過網友意見。

至於窗邊位置,就用裝上書枱:「由地面到枱面距離大約三十吋,係一個標準大小高度,如果要工作嘅話,就可以放置摺椅喺枱前,而枱兩邊都有櫃桶,拉嗰時兩邊都會預留位置,唔會頂到張床。」而書枱上亦設有路軌拉伸枱,拉出來之後再放置層板,就會變成一張餐桌,就可以邊看電視邊吃飯。而下方就設有衣櫃,方便放置西裝; Eason亦預留位置放置被子。

而客廳亦設有地枱,放置其他衣物及鞋子,而地台則用上布紋木皮:「令到成個單位有木嘅感覺,因為它佢好多紋理,整污穢都唔易發現,平時用清水打理就可以。」

撰文:梁延宇

攝錄:財經組

相關連結:

【全九龍最細新盤設計】原則洗手盤放企缸 設計師:呢個問題好棘手!

http://bit.ly/2zNAqVH

 
熱門新聞
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 126,828 views
  • 【新移民呃綜援實況】月入3萬歐洲旅行 老闆:佢哋富貴仲幫仔女買樓(足本版) 111,598 views
  • 【獨家〡30億嫩妻半島富貴sweet】何艷娟放電嗲爆老公 吳志誠扮後生冧妻(足本版) 75,318 views
  • 【獨家斷正〡千語BB伴遊】濕身透bra跟富三代上樓 愛巢對正林峯屋企 (足本版) 68,806 views
  • 【20年父女戀】一生人得高志森呢個男人 焦媛坦白:我有戀父情意結(足本版) 63,366 views
  • 【貿易戰有生機】被遺忘的港產電視機 本地薑無奈: 大家寧願俾多兩倍錢出去買 61,587 views