< 返回
  • 噸位以外 新東初選三人理念比併
  •   0 views │ 2017年12月14日
    留言()

 

負責協調民主派參加補選嘅民主動力,早前公布初選機制同參選人之後,星期日喺城大舉行初選論壇。新東論壇比較多人討論嘅,都係新同盟范國威話依家從事議會抗爭隨時被抬走,向工黨郭永健(細孖)下戰書,比併掌上壓或者跑步,俾細孖還擊話「橫又橫過你,高又高過你。」

之但係選議員,政綱重要過噸位,所以都係講返理念啦。身為工黨新任主席嘅細孖打勞工牌,中大學生會前會長張秀賢就強調自己年輕同政綱包含各類議題,咁啱兩個都向《壹》仔提及房屋問題。

細孖批評政府提倡增加私樓供應,「造大個餅」嘅做法無助降低樓價,因為仍然出現一個人買十層樓嘅情況,難以壓抑炒風同確保有需要嘅人可以有樓住。張秀賢都批評政府「置業為本」嘅方針,認為政府鼓勵市民置業係叫人接火棒。

至於喺立法會同區議會都做過議員嘅咖喱范,當然主打多年地區同議會經驗,又重提港府應該有單程證審批權。不過講起議會抗爭,佢有啲打定輸數,話一旦議會路線再受打壓,佢會推動「社區維權」,透過深耕細作喺社區凝聚民氣、保存實力,等待下一波抗爭時機一到,就乘勢而起。

撰文:巫不言
熱門新聞
  • 【家有魔鬼僱主】有片慎入僱主狂鬧10分鐘 外傭含淚爆魔鬼家規(足本版) 120,362 views
  • 【每日壹爆●艷星風光背後】落難時做過麥當勞大家樂 鄭艷麗: 清潔阿嬸我都做(足本版) 112,807 views
  • 【藝員失婚失業打不死】忘記老公家中荒唐搞女 50歲黎海珊素顏孖男伴出街睇戲 (足本版) 84,835 views
  • 【個仔似足老豆】李琳琳老來得子 70歲姜大衛細仔只得22歲(足本版) 71,176 views
  • 【暗寸姣婆亞姐】被萬綺雯搶走呂頌賢 傳黎海珊入廠掌摑小三(足本版) 69,770 views
  • 【為支飲管爆SEED】西裝惡男大鬧麥記 店員企硬氣走:你慢慢企!(足本版) 63,772 views