< 返回
  • 【封面●放蛇踢爆四部曲●二】稱全家共賺4千萬勁過騰訊 神奇產品代理:啲錢真係湧過嚟!
  •   61,507 views │ 2018年01月03日
    留言()

 

上回講到facebook少女推介產品及股票,翌日,她着記者聽公司的分享會。幾個營業額最高、「皇冠」級別的人分享試用產品效果,「我用咗大槪三個月,塊面瘦咗尖咗,褲頭仲緊咗!大家幾耐無見過自己條大脾la,因為噴霧都有收緊作用,依啲位減唔到,佢可以幫你收緊腿形,全身都用得。」不單能神奇瘦面、瘦腿,連脫髮都用得着,「甩光頭唔得。稀疏可以,依度禿頭噴完,都會生返毛仔、一啲短頭髮出嚟。」

功效顯著比不上賺錢重要,幾個講者大部分時間,都在分享加入這家公司億嘉的發達之路,「有無人目標係搵到年薪五十萬嘅工作?平均月入五萬元,好夠洗啦!你要睇住標竿,有啲人可以再快一點。我家姐用咗三年時間賺二千一百萬,我媽媽賺咗千二萬,我賺咗一千一百萬。」他說以前於眼鏡公司工作,月入十萬,不過認為努力工作只是為別人打江山,「我入會先,一串朋友放在我下面。一年半後,依度為我累積咗二百一十萬。如果今日你們有朋友兩個人一起上來,哪個早入會就哪個在上面,當然早點加入!」

「喺facebook、wechat你鍾意搵陌生人、熟人也可以。你支持朋友做相同嘅事,你就會一路有被動收入。」更勸人自己買位,做自己下線,「一個戶口就等於一部提款機。最好開三個戶口以上,每個戶口買二萬七蚊貨,三個加埋有八萬一。你就有三個戶口分別成為上下線咁收錢。」他興奮地說:「有人加入,每個星期咁複製,一個月成為水晶級別,兩個月成為珍珠級,六個月成為藍寶石,月入高達七十萬!不論是上面放下來的人,還是你自己找來的人,全部人都屬於你的團隊!只要你照顧好每個人,而他們都能夠與他們的朋友分享,下面就會有無窮無盡的收入!」

會上有人誇張說:「我今日終於明白,錢真係不斷湧過嚟!我上線買幾萬蚊名牌,同一款會買三隻,我問佢點解,佢話怕爛咗買唔返呀!佢係台灣間屋有幾百對鞋,叫我去睇,幫我出埋機票請我去!」

撰文:財經組

攝錄:財經組

相關連結:

【封面●放蛇踢爆四部曲●一】3萬人網上「直銷」神奇噴霧 下線接貨送「十倍股」新招

http://bit.ly/2C9VcQs

【封面●放蛇踢爆四部曲●三】一枝噴霧能瘦面生髮兼挺胸?醫生咁樣講...

http://bit.ly/2EzZ52C

【封面●放蛇踢爆四部曲●四】揭神奇噴霧幕後主腦 稱「美國製」但大陸設廠

http://bit.ly/2q7C2sW
熱門新聞
  • 【義氣港太捱到老公翻身】姚嘉妮夫婦賣潮牌秘搞上市 搞掂事業再急救婚姻(足本版) 59,517 views
  • 【惡男亂泊車】為接女友泊巴士站釀塞車 惡男仲要爆粗兇人(足本版) 57,207 views
  • 【降魔的馬國明遇對手】72歲鼎爺被欽點 入行52年第一次做男主角(足本版) 45,686 views
  • 【亞視花旦中降頭患抑鬱消失12年】46歲蔡曉儀靠乜嘢逐步好轉? 38,957 views
  • 【不老的傳說】連生兩件唔俾身材冇走樣 40歳姚嘉妮靠白滑長腿搵食(足本版) 38,376 views
  • 【壹仔天氣王】將軍澳車場變「泥水舞間」 林寶堅尼被水淹 36,199 views