< 返回
  • 郭永健港大「撈女仔」 抱得美人歸
  •   8,475 views │ 2018年01月06日
    留言()

 

立法會三月補選,民主派新東初選競爭激烈,獲唔少主流民主派政黨力撐嘅工黨郭永健(細孖),最近忙住四出造勢。佢同《壹》仔講起往事,原來佢讀港大時要搵女同學出席活動,好老土咁因為宿友「撈」完女仔後唔得閒,結果由佢頂上,先識咗依家嘅太太。

細孖話當時自己係建築系freshman,九月要喺校舍撈啲女仔參加宿舍活動,當時佢宿舍上莊、依家港大校友關注組成員施旭成,喺民主牆出面「兜搭」到三個女同學,其中一個就係佢當時讀文學院嘅太太。由於施旭成唔得閒,交咗俾佢負責接待三個仔夜晚食飯傾偈。

本身睇落怕醜又比較成熟嘅細孖話,當時一對三,「又唔係好驚嘅 」佢選擇咗同三個異性講啲「正面嘢」,包括話呢三年大學要搵到人生意義呀,同埋要為社會帶來改變之類,聽落悶悶地喎。

佢都知自己講啲嘢老土,結果搞到幾個女仔以為佢係大一兩屆嘅師兄。點知佢太太又好buy喎,事後同佢講覺得佢講嘅嘢,同其他人好唔同。細孖話最初冇特別睇中太太,但日久生情,依家佢有事第一個都會搵太太傾,太太都好支持佢。

撰文:巫不言

攝影:李育明
郭永健同太太育有一個兩歲女兒,佢話依家明白做人父母好難,最近要陪個女去幼兒班面試,佢認為咁細個都要面試,真係好多餘。(受訪者提供)
參選民主派新東初選嘅郭永健話,對選舉有信心,希望可以急起直追。
熱門新聞
  • 【鹹濕牙醫〡狼影裙底】CCTV踢爆牙醫診所淫行 手機暗影大批女病人裙底(足本版) 382,918 views
  • 【港大俊男毒招玩女】氹多名港女上床SM虐打 仲逼女碌卡借錢供養(足本版) 257,349 views
  • 【20億身家俾晒利智】愛到貼地29年因一件事 李連杰:我願意為她付出生命(足本版) 120,268 views
  • 【剝一隻牙人生逆轉】港男剝牙昏送ICU變癱 醒來身殘失業妻自殺(足本版) 113,054 views
  • 【港女冧爆強國男】跳舞撒嬌服侍大陸佬 港女憑直播想買車買樓(足本版) 71,561 views
  • 【千億富豪追求】賭王一舞傾倒 邵逸夫介紹 南豐陳廷驊利智傳緋聞(足本版) 70,416 views