< 返回
  • 幫村民投訴瀝青廠 方國珊收恐嚇來電
  •   6,375 views │ 2018年01月09日
    留言()

 

上期《壹》仔報道,上水嘉華瀝青廠釋放懷疑致癌臭煙,搞到附近村民又暈又嘔,仲頻頻入院。有村民話報道出街後,啲臭味即刻少咗,形容「老虎都要讓路幾步」,但長遠都係要求瀝青廠搬走。

不過好消息背後都有個壞消息,協助村民嘅西貢區議員方國珊同《壹》仔講,佢喺粉嶺百和路行人天橋上,投訴瀝青廠嘅橫額,居然被人刑事毀壞,用𠝹刀𠝹爛咗,佢覺得行為有針對性,已經報警交由上水警署刑事調查第二隊跟進。

方國珊坦白話:「今次𠝹左banner,我同居民、我啲團隊都擔心,唔止咁少(恐嚇行為)。」佢有擔心自己會遇到進一步威嚇行為,仲爆話原來上星期五同村民去政總示威之前,佢同村民都收到多次恐嚇電話,對方自稱地區人士,叫佢哋唔好去示威請願。有部分村民因為擔心得罪人,示威當日已經縮沙冇現身。

方國珊話,第一次因為幫市民爭取權益而遇到恐嚇,但擔心還擔心,都冇諗咁多,如果唔係示威當日已經唔會現身。其實村民已經面對緊臭煙滋擾,依家仲要遭受恐嚇,連區議員都唔放過,警方真係要查明邊啲人咁霸道,將兇徒繩之於法。

撰文:巫不言
方國珊(左二)幫紅橋新村同亮地坳村村民申訴,卻因此遭受恐嚇。
上星期五有大約二十幾名村民到政總外示威,原來仲有部分村民縮沙冇現身。
熱門新聞
  • 【鹹濕牙醫〡狼影裙底】CCTV踢爆牙醫診所淫行 手機暗影大批女病人裙底(足本版) 372,194 views
  • 【明星家恐怖印傭】紅布木劍暗落邪降16年 鄭敬基驚呼:好心寒(足本版) 187,370 views
  • 【港大俊男毒招玩女】氹多名港女上床SM虐打 仲逼女碌卡借錢供養(足本版) 135,550 views
  • 【信錯16年嘅印傭】鄭敬基俾家傭偷走珠寶財物: 揭穿時佢怒睥我老婆(足本版) 120,680 views
  • 【剝一隻牙人生逆轉】港男剝牙昏送ICU變癱 醒來身殘失業妻自殺(足本版) 93,875 views
  • 【20億身家俾晒利智】愛到貼地29年因一件事 李連杰:我願意為她付出生命(足本版) 70,263 views