< 返回
  • 人緣問題再成焦點 范國威被郭永健插冇朋友
  •   6,052 views │ 2018年01月10日
    留言()

 

下星期日就係民主派初選投票日,民主動力上星期就再舉行初選論壇,代表新同盟出戰新東嘅范國威,依舊被郭永健同張秀賢夾擊,二人都幾乎用盡主場時間窒佢。細孖質疑咖喱飯做立法會議員期間,只加入「網絡廿三條」法案委員會四個月就退出、一一年做民陣召集人期間,曾簽署聲明支持向新移民派六千蚊等。張秀賢就指景林邨居民曾經就管理事務向新同盟求助,但冇收到回覆。

輪到咖喱飯主場時間,佢就咬實細孖唔放,指對方曾經撰文反對單程證審批權有審查,係「追潮流」先講本土。細孖回應指工黨創黨時,黨綱已經支持政府爭取審批權,但繼續俾咖喱飯狙擊。細孖再回應指咖喱飯抹黑,原本諗住繼續講落去,不過話鋒一轉,就指佢嘅問政風格令自己四面楚歌「冇朋友」,唔少在場市民即刻歡呼,不過呢著似乎未擊中要害,咖喱飯停咗幾秒後,繼續同細孖疊聲。

查實咖喱飯被指人緣唔好已經唔係第一次,上月同樣喺民主動力論壇,城大學者張楚勇就話根據自己同朋友嘅非正式統計,對咖喱飯最冇信心,覺得佢團結唔到民主派。人緣問題成為咖喱飯一大弱點,喺民主派現今重視團結嘅氛圍下,都咪話唔傷。

撰文:巫不言
熱門新聞
  • 【鹹濕牙醫〡狼影裙底】CCTV踢爆牙醫診所淫行 手機暗影大批女病人裙底(足本版) 381,220 views
  • 【港大俊男毒招玩女】氹多名港女上床SM虐打 仲逼女碌卡借錢供養(足本版) 250,291 views
  • 【20億身家俾晒利智】愛到貼地29年因一件事 李連杰:我願意為她付出生命(足本版) 117,858 views
  • 【剝一隻牙人生逆轉】港男剝牙昏送ICU變癱 醒來身殘失業妻自殺(足本版) 110,385 views
  • 【千億富豪追求】賭王一舞傾倒 邵逸夫介紹 南豐陳廷驊利智傳緋聞(足本版) 68,896 views
  • 【港女冧爆強國男】跳舞撒嬌服侍大陸佬 港女憑直播想買車買樓(足本版) 66,343 views