< 返回
  • 【生意●一年回本】3D眼鏡靠眾籌 80後贏國際獎成功入屋
  •   8,971 views │ 2018年01月29日
    留言()

 

招式一:眾籌

他挾着大公司和名牌學府畢業之名,絕對可以扶搖直上,但他無懼艱辛,放棄四萬多元月薪,這冒險精神和他童年在九龍灣啟樂臨屋區長大有關,「我們有好大地方周圍走,和不同小朋友玩,可以探索周圍環境,執啲垃圾嚟做玩具,或者去花槽挖泥,導致長大後性格上對唔同事物有好強好奇心,慢慢工作上肯勇於嘗試自己範疇以外嘅嘢。」

他第一炮是推出3D打印眼鏡。「我需要戴眼鏡,我搵不到合適眼鏡,衫褲鞋襪都有尺碼選擇,於是我設計眼鏡。

「因為我讀建築接觸到3D打印技術,所以我將這技術用喺眼鏡方面,眼鏡有大中細碼,佩戴者可以選擇鼻托的高低,選擇眼鏡臂的長度等,然後把這項目放喺外國一個眾籌網站Indiegogo,籌得一萬多美金。」

招式二:自我宣傳

他更自己做市場推廣,「要喺不同社交平台讓人知道你嘅作品,譬如好想上TechCrunch和Design Milk,就自己搵編輯pitch佢,可能搵二十個才有一個睬你,唔可以長篇大論,要幾句講到重點,吸引到佢,佢才會聯絡你。」

招式三:參賽參展

新仔無後台,參賽都是方法。「因為顧客要搵人做裝置藝術時,佢哋會試搵最近喺裝置藝術中得獎嘅人。」

有些獎項,如二○一五年他獲得香港設計中心頒發的香港青年設計才俊獎,令他獲得五十萬元贊助,可以遠赴海外一些著名設計公司實習一年,他選擇在東京著名的藤本壯介建築設計事務所和紐約有名的ECCO Design各留了半年,去年四月份,他更爭取在國際曝光,在家具設計界屬超級盛事的米蘭國際家具展中推出FIT-NITURE家具系列,將Fitness和Furniture結合,更憑一張可以坐又可以做運動的健身長椅《X Bench》,獲得Salone Satellite Award(新銳設計師獎)二獎,「Airbnb都想將某幾件傢俬放喺北京office。」遲些他甚至和其他人合資傢俬生意,「佢哋甚至諗一年營業額有幾多,佢哋已經有呢啲business mind。」

回想初起步時,他也曾想過放棄,「放棄念頭會時不時來visit你,就算返回原位都唔滿足到自己追求,不如努力睇吓可以點樣將現時工作做得更好。」

撰文:李苑欣

攝錄:廖健昌

相關連結:

【生意●新進建築師】棄名牌事務所 80後建築師葵興衝出國際

http://bit.ly/2DSZFuR

【生意●創業錦囊】成功靠「父幹」? 堅持創業初衷「少咗叫我轉工」

http://bit.ly/2GngRHo
熱門新聞
  • 【新移民呃綜援實況】月入3萬歐洲旅行 老闆:佢哋富貴仲幫仔女買樓(足本版) 136,573 views
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 127,445 views
  • 【獨家〡30億嫩妻半島富貴sweet】何艷娟放電嗲爆老公 吳志誠扮後生冧妻(足本版) 90,064 views
  • 【20年父女戀】一生人得高志森呢個男人 焦媛坦白:我有戀父情意結(足本版) 63,779 views
  • 【貿易戰有生機】被遺忘的港產電視機 本地薑無奈: 大家寧願俾多兩倍錢出去買 62,272 views
  • 【每日壹爆〡老董家族平價霸地】每月1萬蚊霸8萬呎地 淺水灣靚官地變董家骨灰龕 61,467 views