< 返回
  • 【買樓為女友】港男抽居屋是唯一目標:人一出生就是負債
  •   16,466 views │ 2018年03月14日
    留言()

 

公屋輪候時間愈來愈長,不少人將矛頭直指新移民,認為新公屋是為新移民所興建,Terrance舉沙田水泉澳村為例,「有時路過,都係聽到四周既人講普通話、內地省分方言。我會覺得奇怪羅,點解我係香港但聽唔到廣東話。」

排公屋遙遙無期,買私樓想也不敢想,抽居屋是他唯一盼望,「我入左公屋輪候冊,可以用綠表申請公屋,我當然想買返沙田區啦。」政府去年推出的八個居屋屋苑,其中沙田兩個屋苑,售價由二百四十萬至三百三十萬。若綠表人士購買,付百分之五首期便可以,即是十多二十萬便可做業主。比起買私樓,首期銀碼細得多。

唯一出路抽居屋

他又說,過去曾兩次申請居屋,可惜沒有抽中,「雖然我依家未有首期,但如果真係咁好彩抽中,一定會問親戚借錢俾首期。」他歸咎太多人去申請,令中籤率大大降低,「其實只要住緊或輪候緊公屋,就合乎綠表資格。好多綠表人士,有理無理都遞表申請,變得好氾濫。其實每一年抽中居屋既人,有部份都係冇錢買,只係純粹碰運氣。」

買樓全為女友

Terrance慨嘆,很多香港人一生奮鬥,也只是為了買樓。他回憶當年見工,老闆問他對工作有何期望,「我當時好誠實回答,其實我返工,係為左令女朋友生活過得好一點,將來想同佢結婚及照顧佢。」所以,他一直也節衣縮食,就是為了上車。

他有時候會斷絕社交,減少和朋友外出吃飯,「如放題或打邊爐,動輒每人要二百幾蚊,每個月四次,加起來就一千蚊,如果有經濟壓力,社交花費唔太化算。」他剖析供樓開支對一個人來說是很重負擔,朋友的一席話讓他刻骨銘心「佢話人生就係負債,一出生就要負債,父母供養你,你已經開始負債,你畢業後出來工作,買一層樓,你都係向銀行借錢,都係負債,所以人生就是負債,我好認同呢個說法。」

撰文:艾馬

攝影:蔡福生

相關連結:

【實例●重男輕女?】「靠父幹」買將軍澳新盤 通通留俾阿仔

http://bit.ly/2FM9Z93

【夢樓變夢流】樓市無得爆 繼續升因為一個原因

http://bit.ly/2Dnt8sA

【苦等九年公屋】18歲開始排仍遙遙無期 事主:房署話等多廿年

http://bit.ly/2FAiz7z

【交唔起租】租金貴絕全球 投行姊妹花:同事住深圳日日灣仔返工

http://bit.ly/2GmR3f2
熱門新聞
  • 【住豪宅劣質生活】呎價2萬5上層床下層客廳 住客:我都在死忍(足本版) 215,609 views
  • 【家有魔鬼僱主】有片慎入僱主狂鬧10分鐘 外傭含淚爆魔鬼家規(足本版) 164,333 views
  • 【個仔似足老豆】李琳琳老來得子 70歲姜大衛細仔只得22歲(足本版) 79,719 views
  • 【曾是180磅肥師奶】50歲李婉華身體出事 咬緊牙關減走70磅變索媽(足本版) 69,760 views
  • 【明明有老公】陳自瑤心酸湊女疲倦 死守因為王浩信玩三招箍煲 (足本版) 67,559 views
  • 【大陸生果扮日本】小心大陸老翻日本生果 果欄檔教一個字分真假 (足本版) 55,931 views