< 返回
  • 【佛系發呆王】心理學研究生嘆港人功利 被質問讀咁多書做乜
  •   7,312 views │ 2018年04月12日
    留言()

 

月初舉辦的國際發呆比賽香港站誕生了首個香港站發呆王,他是中大心理學系研究生葉凱銘。剛滿二十六歲的他當日身穿大學「頹T」,腳踏人字拖,像剛從大學宿舍出來的模樣,小跑著踏上頒獎台,拿著獎座開心咧嘴拍照。可惜沒過了半小時,獎座就被他意外摔破,令人啼笑皆非。葉凱銘回想起也不禁失笑:「我唔記得玩緊咩,大家笑緊,跟住我拎住獎座哈哈哈咁敲落地下,咁就碎咗。」

這個小伙子盤腿坐在中大未圓湖畔的草地上,甚是自在,不時玩弄地上拾到的小木條。他是這片草地的常客:「我有時候做做吓嘢,發現晏晝有個幾鐘得閒,我就會過來瞓吓 hea吓。」他說純粹覺得好玩而參加比賽,沒料到會勝出,「完咗之後我媽好開心,覺得自己個仔好威,我啲親戚又會話『好犀利,為葉家爭光』,好搞笑。」

葉凱銘本科就讀中大心理學系,畢業後任職心理學實驗室研究助理兩年,去年入讀研究生課程,未來打算繼續讀博士,希望能從事研究工作。這條學術路甚是漫長,他直言投資很大:「我而家呢度要讀兩年,之後博士要讀三年,讀完博士出來係三十歲。如果我一畢業就出來做嘢嘅話,可能去到三十歲左右,已經可以有個好穩定嘅收入。但係你做研究呢條路,就要冒個好大嘅風險,就係你三十歲出來,未必搵到研究工作,因為競爭好大。」最壞的情況是,完成博士課程後,也要找一份無關研究的工作。

從小到大,大人總對小孩說要多讀書,但葉凱銘現在反而被質問為何要讀書:「我都聽過唔少次:嘩你讀咁多書,為咩呢?大家所謂嘅讀好啲書,就係讀到有大學學位,咁就完,出來搵份好工。但當你再繼續讀書嘅時候,啲人就開始質疑你,點解要讀咁多書。」說穿了,其實港人並非鼓勵讀書,而是鼓勵提升賺錢能力。這種文化,也令葉凱銘感到有點壓力,「令你覺得,去到而家都唔出來做嘢,係唔係好唔生性呢?」當他沉醉在學術之中時,同齡朋友可能已在職場打滾數年,收入難免會有落差,「自己都會越來越驚,始終喺收入上會有差距,會諗會唔會太大犧牲呢?」

縱有諸多考量,葉凱銘仍一頭栽進研究的懷抱,只因對心理學的熱愛,「我好鍾意解決問題嘅過程,做research的話,就係你每一日都費盡腦汁地解決一啲好困難嘅問題,亦係呢個原因令我很自豪自己係一個科學家。」即使最終做不到研究工作,他也無悔:「至少我這數年叫做完成了一個做研究的想法 試過做這件事 應該不會後悔。」說時臉上一貫的坦然自在。

撰文:鄭靖而

攝影:蔡福生

立即按此連結Download《壹週刊》: https://goo.gl/NVySCK
熱門新聞
  • 【每日壹爆●艷星風光背後】落難時做過麥當勞大家樂 鄭艷麗: 清潔阿嬸我都做(足本版) 111,645 views
  • 【家有魔鬼僱主】有片慎入僱主狂鬧10分鐘 外傭含淚爆魔鬼家規(足本版) 86,254 views
  • 【藝員失婚失業打不死】忘記老公家中荒唐搞女 50歲黎海珊素顏孖男伴出街睇戲 (足本版) 84,186 views
  • 【暗寸姣婆亞姐】被萬綺雯搶走呂頌賢 傳黎海珊入廠掌摑小三(足本版) 69,025 views
  • 【惡男亂泊車】為接女友泊巴士站釀塞車 惡男仲要爆粗兇人(足本版) 64,658 views
  • 【為支飲管爆SEED】西裝惡男大鬧麥記 店員企硬氣走:你慢慢企!(足本版) 63,121 views