< 返回
  • 【徒步成佛?】呆青徒步兩日環港島 發呆王:做嘢唔一定要有目的
  •   4,528 views │ 2018年04月12日
    留言()

 

潮流興「佛系」,如果將「佛系」粗略定義為不執著、隨心隨性,或許香港站發呆王葉凱銘也是一個佛系青年。他說:「我唔認為每一件事都要有目的地去做。」的確,他會做的事按俗世定義來說,可算是意義不大,例如頂著大太陽參加發呆大賽,或是兩日一夜徒步環港島等等。

一年多前,他曾與哥哥一起徒步環港島。先由北角出發,沿海順時針走,到了赤柱,就在露營帳篷裡睡一晚,翌日再經南區、中西區走回北角,全程約60公里,每天走十個多小時,「第二朝我行到數碼港嘅時候,覺得自己對腿就嚟斷,靠行山杖撐住我過去。」

你說他「攞苦嚟辛」嗎?他卻樂在其中,「你坐車,『咻』一聲就過咗去。但行路期間你會見到好多唔同嘅嘢,行到啲村落,發覺原來有啲古舊嘅嘢;赤柱嗰邊又見到好多豪宅,嘩,原來啲有錢人係咁,睇到香港唔同人嘅生活。」

這種態度,亦與他的旅行模式一脈相承。他試過在奧地利一個小鎮住了三天,三天的生活就是看日出、行山、看日落、看星星。有人說他浪費時間,他卻感到滿足,自得其樂。

意義對他來說不太重要,「有好多事你未必會覺得好有意義,但純粹畀你一個有趣嘅經驗。我做好多嘢唔係為咗增值自己,或者要去賺錢,我做好多嘢都係因為純粹覺得得意好玩,咁就去試吓。」他說,香港人也可以多點抱著這個心態去做事,「唔一定每一件事都要有目的,你只要覺得有趣就去做。呢個有趣嘅經驗,未必會幫到你日後搵工,或者同人交流時有咩著數,但你日後回顧你人生嘅時候,你會覺得自己做咗一件有趣嘅事。」

撰文:鄭靖而

攝影:蔡福生

立即按此連結Download《壹週刊》: https://goo.gl/NVySCK
熱門新聞
  • 【住豪宅劣質生活】呎價2萬5上層床下層客廳 住客:我都在死忍(足本版) 206,670 views
  • 【家有魔鬼僱主】有片慎入僱主狂鬧10分鐘 外傭含淚爆魔鬼家規(足本版) 162,473 views
  • 【個仔似足老豆】李琳琳老來得子 70歲姜大衛細仔只得22歲(足本版) 78,996 views
  • 【明明有老公】陳自瑤心酸湊女疲倦 死守因為王浩信玩三招箍煲 (足本版) 67,144 views
  • 【為支飲管爆SEED】西裝惡男大鬧麥記 店員企硬氣走:你慢慢企!(足本版) 64,930 views
  • 【大陸生果扮日本】小心大陸老翻日本生果 果欄檔教一個字分真假 (足本版) 55,589 views