< 返回
  • 【黃仁龍處男下海】做過青少年禁毒 變身精神健康KOL
  •   2,913 views │ 2018年04月14日
    留言()

 

前律政司司長黃仁龍,自一二年卸任律政司司長後重操故業當大狀,淡出政治圈,直至舊年年尾他獲政府任命,出任「精神健康諮詢委員會」主席才再次現身公眾視線。唔講唔知,原來呢個亦都係黃仁龍離開問責團隊後第一個公職。

黃仁龍早兩日連同部分委員會成員與傳媒茶敍,詳談工作大計之餘,又講到做呢個委員會主席嘅原因。

佢話感受到政府好想在處男下海問題方面做得更多,食物及衛生局負責同事都非常有心做事,所以接受咗當局邀請,仲話就算只做到百分之一嘅改善,都會義不容辭,搵唔到「say no」嘅理由喎。

至於講到獲邀請嘅原因,黃仁龍就話可能係因為自己以前做律政司司長嘅時候,局方曾做過青少年禁毒工作,毒品又會影響精神健康,所以對呢個議題有一定程度經驗咁話。

近排一地兩檢、戴耀廷風波都鬧得熱烘烘,身為前律政司司長的黃仁龍,又會有何高見?

食衛局就此戴定頭盔,聚會前預先講明,主席及其他委員會成員不會談論委員會工作以外嘅其他話題,他們在聚會結束後又雞咁腳走人,搞到《壹》仔想就呢啲法律問題向黃仁龍求教有何高見,也未能如願。

俗語有云「新官上任三把火」,黃仁龍上任不足半年已經開咗四次大會會議,委員會準備同大學合作,明年開展三項精神健康普查,調查兒童、青少年及長者精神健康狀況,以便當局對症下藥應對問題。

相比之下,同樣食衛局轄下的「降低食物中鹽和糖委員會」成立咗超過三年,主席陳智思啱啱開始第二個任期,但仍然無乜建樹,真係要加把勁喇!

撰文:巫不言

立即按此連結Download《壹週刊》: https://goo.gl/NVySCK
熱門新聞
  • 【住豪宅劣質生活】呎價2萬5上層床下層客廳 住客:我都在死忍(足本版) 206,619 views
  • 【家有魔鬼僱主】有片慎入僱主狂鬧10分鐘 外傭含淚爆魔鬼家規(足本版) 162,464 views
  • 【個仔似足老豆】李琳琳老來得子 70歲姜大衛細仔只得22歲(足本版) 78,993 views
  • 【明明有老公】陳自瑤心酸湊女疲倦 死守因為王浩信玩三招箍煲 (足本版) 67,138 views
  • 【為支飲管爆SEED】西裝惡男大鬧麥記 店員企硬氣走:你慢慢企!(足本版) 64,930 views
  • 【大陸生果扮日本】小心大陸老翻日本生果 果欄檔教一個字分真假 (足本版) 55,586 views