< 返回
  • 【復仇者聯盟在香港】最愛美國隊長 美漫達人:愛國唔等於愛政府
  •   0 views │ 2018年05月05日
    留言()

 

官能刺激是世界語言。《復仇者聯盟3:無限之戰》全球大熱,在香港上映一週,票房已衝破8,613萬,入場人次達七十七萬。「你睇戲院的schedule都嚇死你啦。即係叫你唔好諗住睇其他戲,都係睇呢套。」觀眾追捧超級英雄片,美國漫畫卻不曾在香港流行。Jerome在銅鑼灣中心經營美國漫畫店廿五年,對美漫人物如數家珍。像《復仇者》這種把各路英雄共冶一爐的「賀歲片」,人物關係往往令人頭暈。超級英雄雖然有共同目標——打怪獸,但誰沒有過去?幾十年來的恩怨情仇(超人、蝙蝠俠都已八十多歲),造成了今日的眉來眼去或面阻阻。沒有長期跟進的觀眾,往往不知就裏。有疑問,當然要搵美漫達人,「有戲上,傳媒通常來問啲歷史性問題。誓如原著同電影有乜分別、改成點,對故事、角色的發展有乜影響。」



Jerome的店叫Clark Kent——那是超人日常的名字,他當然是超人、以至DC Comic的粉絲。今期流行的《復仇者》系列屬Marvel旗下,他最愛的又是誰?「美國隊長。都係因為正義感、愛國啦。佢有好堅定嘅意志,好難改變佢對國家的忠誠。」講正義、講愛國,《戰狼》算是中國超人吧?為何美國隊長靚仔有型,中國隊長卻令人毛管戙?「視乎編劇點寫。吳京嗰啲重手咗啲,感覺得唔係咁好。但《美國隊長》啲編劇有好多發揮。」「美國隊長通常寫反政府、多過支持政府喎。所以唔會覺得佢太吹捧愛國心。你會覺得,美國隊長咁忠心對國家,點解要壓制佢、壓迫佢?政府要求你愛政府,但你其實唔係愛政府嘛,係為咗國家。你唔可以當我係工具咁囉。」「但內地好少寫呢啲,政府唔會奸㗎嘛,係咪先?哈哈。」 愛國不愛黨,美國隊長其實是異見人士。
熱門新聞
  • 【每日壹爆●艷星風光背後】落難時做過麥當勞大家樂 鄭艷麗: 清潔阿嬸我都做(足本版) 109,761 views
  • 【藝員失婚失業打不死】忘記老公家中荒唐搞女 50歲黎海珊素顏孖男伴出街睇戲 (足本版) 83,278 views
  • 【暗寸姣婆亞姐】被萬綺雯搶走呂頌賢 傳黎海珊入廠掌摑小三(足本版) 67,836 views
  • 【惡男亂泊車】為接女友泊巴士站釀塞車 惡男仲要爆粗兇人(足本版) 64,248 views
  • 【為支飲管爆SEED】西裝惡男大鬧麥記 店員企硬氣走:你慢慢企!(足本版) 61,926 views
  • 【明明有老公】陳自瑤心酸湊女疲倦 死守因為王浩信玩三招箍煲 (足本版) 58,623 views