< 返回
  • 【復仇者聯盟在香港】小店隱身商場地庫 美漫達人爆25年生存秘訣
  •   0 views │ 2018年05月05日
    留言()

 

《復仇者聯盟3:無限之戰》全球大熱,在香港上映一週,票房已衝破8,613萬,入場人次達七十七萬。「其實電影大熱,對漫畫幫助唔係太大。上網都睇到漫畫,基本上你唔使買書。 拎住本書出街,啲人覺得老土嘛。」Jerome經營美國漫畫店廿五年。店舖在銅鑼灣中心,周日要穿過幾百位印傭、潛入地庫才可抵達,有幾分似《蝙蝠俠》中、企鵝人住坑渠的意境。他對美漫人物如數家珍,本身卻是看港、日漫畫長大,「始終有語言隔膜,唔會專登嘥時間去睇美國漫畫,睇卡通片好過啦。」九三年,超人蒙主寵召,掀起相關產品的炒賣熱潮,令他萌生創業的念頭,「香港嗰時賣日本嘢的有幾十間,要突圍而出好難。美漫得四、五間,咁我做第五間都OK。」



Jerome的店叫Clark Kent,正是超人日常的名字。九十年代初香港歌舞昇平。地產經紀、Sales「行街」之餘,食tea、購物才是正經事。貫徹香港人炒股炒樓的習性,郵票、漫畫照炒可也,懶理紙張容易著火。「當年啲潮流雜誌都會講吓趨勢,例如邊個故仔係邊個畫。第一期梗係最有炒味,咁啱有死人呀、 乜乜物物,啲人都會買多幾本來收藏。」炒賣養起小眾玩意,直到九七金融風暴。就像《復仇者3》中、大反派Thanos手指一撻,宇宙半數的生物都灰飛煙滅。0三年沙士、紙媒衰落,往後都是歷史。但Clark Kent始終是生還者。現時全港專營美漫的,就只有他和隔鄰的店,「電影是兩個半鐘的官能刺激,睇完一排就會忘記。漫畫你睇咗本書、鍾意咗個角色,就會追落去。」超人、蝙蝠俠已經八十多歲,一樣有細路追捧,「佢六十年代時,就寫六十年代。到八十年代reboot就寫八十年代。例如Batman老豆死時都冇手提電話。但佢重寫時,就有手提電話了。所以美漫會跟著時代進步,唔會停留喺以前。」
熱門新聞
  • 【每日壹爆●艷星風光背後】落難時做過麥當勞大家樂 鄭艷麗: 清潔阿嬸我都做(足本版) 109,040 views
  • 【藝員失婚失業打不死】忘記老公家中荒唐搞女 50歲黎海珊素顏孖男伴出街睇戲 (足本版) 82,931 views
  • 【暗寸姣婆亞姐】被萬綺雯搶走呂頌賢 傳黎海珊入廠掌摑小三(足本版) 67,374 views
  • 【惡男亂泊車】為接女友泊巴士站釀塞車 惡男仲要爆粗兇人(足本版) 64,138 views
  • 【為支飲管爆SEED】西裝惡男大鬧麥記 店員企硬氣走:你慢慢企!(足本版) 61,425 views
  • 【明明有老公】陳自瑤心酸湊女疲倦 死守因為王浩信玩三招箍煲 (足本版) 57,280 views