< 返回
  • 【西貢淪陷日】居民長假驚恐症 港女:西貢住係一件好慘嘅事
  •   35,748 views │ 2018年05月10日
    留言()

 

每逢假日,有「香港後花園」之稱的西貢都擠滿遊人。上周一連三日的五一黃金周假期,西貢鹹田灣沙灘更出現大批內地遊客紮營。遊人迫爆,西貢居民叫苦連天。

一提起黃金周,西貢居民李小姐即顯得激動:「哎呀唔好講喇,我哋索性都唔出街,因為上網就見到西貢已經淪陷!」她說,每逢假日西貢都擠滿了人,亦不時見到大批內地遊客到西貢旅遊。遊客迫爆西貢,居民乾脆選擇留在家裡,「點出街啫?間間鋪都爆滿,我哋要買定餸喺屋企煮飯。」她大呼怕怕:「真係唔好有長假期,一有長假期就攞命,我已經覺得我喺西貢住係一件好慘嘅事。」

居民陳小姐表示,遊客眾多對他們的生活造成影響,「通常如果嗰啲好大嘅節日,我就會走出出面,唔會留喺度,因為呢度實在係太多人。所以五一嗰日我就唔喺度。」除了食肆爆滿,乘車亦要大排長龍,「譬如星期六日或者假期五、六點嗰啲鐘數,真係出唔到去,好似淪陷咁,真係好誇張。你起碼等至少一個鐘都未必出到去,所以如果你想五、六點出去,你要提早到三、四點出。」

目前由九龍進入西貢主要經西貢公路,假日例牌塞車。遊人增多,更是加劇塞車情況。居民陳先生說,見過不少內地人會駕中港車到西貢吃飯或遊玩,「以前假如喺將軍澳入來大概二十分鐘,如果黃金周多人,可能最少四十分鐘先返到來西貢。泊車方面都有影響,可能等位嘅時候佢哋唔識等,塞住條路,亦令呢區車位負荷較大。」

撰文:鄭靖而

攝影:林志謙

立即按此連結下載《壹週刊》APP:http://bit.ly/next28app
熱門新聞
  • 【住豪宅劣質生活】呎價2萬5上層床下層客廳 住客:我都在死忍(足本版) 174,764 views
  • 【家有魔鬼僱主】有片慎入僱主狂鬧10分鐘 外傭含淚爆魔鬼家規(足本版) 154,725 views
  • 【每日壹爆●艷星風光背後】落難時做過麥當勞大家樂 鄭艷麗: 清潔阿嬸我都做(足本版) 114,436 views
  • 【藝員失婚失業打不死】忘記老公家中荒唐搞女 50歲黎海珊素顏孖男伴出街睇戲 (足本版) 86,020 views
  • 【個仔似足老豆】李琳琳老來得子 70歲姜大衛細仔只得22歲(足本版) 76,944 views
  • 【暗寸姣婆亞姐】被萬綺雯搶走呂頌賢 傳黎海珊入廠掌摑小三(足本版) 71,088 views