< 返回
  • 【北斗星如何煉成】實習導師教實戰:唔係睇書背文就得
  •   7,341 views │ 2018年05月17日
    留言()

 

社會工作並不是一門單靠課本就能學有所成的學科,要成為本港註冊社工,須先修畢認可的社工文憑、副學位或學位課程,並完成實習方可向社工註冊局申請註冊。據註冊局目前規定,社工學生須完成八百小時直接工作實習,以及一百小時實習前準備活動,期間並須接受導師督導,方能滿足實習時數要求。實習導師對社工學生完成學業要求,成功註冊,角色舉足輕重。

項志銘在訪問中談到實習導師重要性時直言,學生考進大學時往往只有約十八、九歲,社會經驗淺,即使從課本學習過輔導技巧等理論,要做輔導工作也無從入手:「如果一般DSE入嚟嘅話,所以其實佢哋對人生嘅經歷唔多,」他舉出實例說,平日少接觸長者的同學,面對長者服務個案時,根本不會處理、甚至不懂回應:「當兩個學生去探獨居長者嘅時候,個長者講到唔開心嘅時候就喊,兩個同學就坐咗喺度,靜咗dead air,無聲出,唔識回應。」

在這時候,導師就要向社工學生分析服務時遇到的問題,進一步解決:「我哋同佢講返,慢慢俾佢睇返佢驚嘅係乜嘢?點解佢會出唔到聲?究竟阿婆喊嘅時候需要嘅係乜嘢?」

對症之餘,還要下藥:「跟住同佢睇返,點解你會唔識做?你嗰時有咩感覺?點解出唔到聲?原因喺邊度?乜嘢障礙咗你,俾佢慢慢睇番自己。」

實習,對社工學生本身亦是個人成長歷程一部分,「令佢由一個所謂layman(門外漢),所謂唔識做,或者唔知點反應,或者情緒控制裡面都唔係好穩定嘅一個年青人,慢慢沉澱落嚟。」

對於其他大專院校目前多以兼職導師督導社工實習,項志銘對他們的教學質素沒有置疑,但強調月薪制專職導師更穩定,對學生、對社工教育更有利:「我哋會更加明白同掌握呢個大學裡面嘅課程內容係點樣,佢想教育出嚟嘅理念係點樣,點樣幫啲學生配合呢個課程嘅教育,而成為一個更加良好嘅社工。」

項志銘再三強調,社工的專業技巧並不是從課堂、課本、寫論文及考試就學得到:「成個過程要陪住佢成長,而唔係就咁教。」

換言之,實習導師在社工課程中必不可少?「係!不可或缺,缺咗就唔係社工,我好肯定。」

撰文:忻肇康

攝影:鄭樹清
熱門新聞
  • 【每日壹爆●艷星風光背後】落難時做過麥當勞大家樂 鄭艷麗: 清潔阿嬸我都做(足本版) 109,761 views
  • 【藝員失婚失業打不死】忘記老公家中荒唐搞女 50歲黎海珊素顏孖男伴出街睇戲 (足本版) 83,278 views
  • 【暗寸姣婆亞姐】被萬綺雯搶走呂頌賢 傳黎海珊入廠掌摑小三(足本版) 67,836 views
  • 【惡男亂泊車】為接女友泊巴士站釀塞車 惡男仲要爆粗兇人(足本版) 64,248 views
  • 【為支飲管爆SEED】西裝惡男大鬧麥記 店員企硬氣走:你慢慢企!(足本版) 61,926 views
  • 【明明有老公】陳自瑤心酸湊女疲倦 死守因為王浩信玩三招箍煲 (足本版) 58,623 views