< 返回
  • 【wONdEr|不一樣的美國】美國幼稚園一樣谷
  •   6,644 views │ 2018年07月08日
    留言()

 

睇戲睇得多,美國學校無論邊個班級,學生們都係自由奔放,無拘無束,大學如是,高中(High School)如是,小學雞(Elementary School),更加應該係玩嘢多過學嘢,隨便大笑大叫,通班房四圍走,開開心心渡過每一日。Happy!

不過,實情係,睇戲睇多咗,又想多咗,一廂情願。

幸福在香港

上星期,回港兩週,主要任務係接番個仔返美國繼續放埋餘下個半月暑假,順道,當然要探探朋友。與此同時,亦安排個仔同佢班香港舊同學仔見見面。

舊同學家長們比我年輕,對升小一呢一關,待之以平常心。

幼稚園本身並無一條龍服務,之前亦未有聽到家長們談論任何四出考學校、安排面試等等話題,有理由相信,舊同學仔們全部都只係玩大抽獎,順其自然。

晚飯後,埋單前,小朋友開始埋頭手遊,大朋友開始猜測九月開學會有乜事發生?

「聽講你個仔嗰間學校第一年全年都冇考試測驗。」

家長 A 問家長 B 。

「好似係呀,等佢哋易啲適應。」

我心諗,唔係嘛?我個仔嗰間幼稚園,久唔久就有測驗,有時仲要係突擊。幼稚園已經係咁,唔敢想像八月升小一之後個 workload 會有幾重。

日日操數學

身邊朋友不乏曾經放洋流學,只不過多數係小學後或中學後,所以甚少聽聞小學或之前的西方教育實況。當我喺其他家長面前講述阿仔要朝朝操數學,晚晚有家課,每兩至三個星期有一次測驗(或者叫做評估)

家長們反應一致,「乜返學唔係玩嘅咩?有家課?」

無可否認,阿仔喺香港讀的幼稚園係一等一 happy school,小班、接近零功課,返學旨在培養良好身心發展及人際關係,學術修為,交由小學負責。所以喺香港幾年,作為家長,見阿仔返學 happy,自己亦 happy,起碼唔使每晚溫書。會有家長認為幼稚園要做功課係「有幾奇呀?」不過因為我係一個懶爸,硬係覺得有啲匪夷所思。

來到美國,一心想個仔享受 happy school,而自己就繼續做一個懶爸,勢估唔到,一個五歲小朋友需要每日喺課室坐定定,完成好幾頁功課(以數學為主);又要保持安靜,如果一時忍不住發出聲音或者同同學傾計,就會被老師 clip down(降 grade,學校設有一套完善操行記分制,behavior system ,以不同顔色代表不同等級,按表現升升降降,降得嚴重的話,家長會喺放學前收到老師的「投訴 email」)。

當然,香港有部分幼稚園都好嚴又谷得勁。

我懶,我去美國係想個仔讀得 happy。個仔 happy,我都 happy 。

點知,「我堅係冇諗過美國幼稚園都會咁谷,乜返學唔係玩嘅咩? 」

作者:三個A。2017年,一家三口選擇移民慶回歸。十五個鐘飛機、八個鐘頭車,終於到達俄亥俄州當中一個小鎮,大人細路,齊齊 Life Reboot。之不過,原來美國
熱門新聞
  • 【住豪宅劣質生活】呎價2萬5上層床下層客廳 住客:我都在死忍(足本版) 197,191 views
  • 【家有魔鬼僱主】有片慎入僱主狂鬧10分鐘 外傭含淚爆魔鬼家規(足本版) 160,081 views
  • 【每日壹爆●艷星風光背後】落難時做過麥當勞大家樂 鄭艷麗: 清潔阿嬸我都做(足本版) 115,007 views
  • 【藝員失婚失業打不死】忘記老公家中荒唐搞女 50歲黎海珊素顏孖男伴出街睇戲 (足本版) 86,368 views
  • 【個仔似足老豆】李琳琳老來得子 70歲姜大衛細仔只得22歲(足本版) 78,202 views
  • 【暗寸姣婆亞姐】被萬綺雯搶走呂頌賢 傳黎海珊入廠掌摑小三(足本版) 71,486 views