< 返回
  • 幫阿仔準備午餐 也是一種樂趣|不一樣的美國
  •   7,261 views │ 2018年09月15日
    留言()

 

阿仔今年成為小學雞,全日制,返學時間同香港學校差唔多,朝八至兩點半,要喺學校食埋晏。

美式午餐係嗰幾樣

熱狗、薄餅一定唔少得,corn dog、西多士條、mac & cheese,西蘭花、雜果、沙律,配果汁、鮮奶,食得晒,再整多杯雪糕!

三個幾美金一份,約莫廿七蚊港紙,都算合情合理。

登入學生戶口,過定一嚿錢,用 RFID 頸牌喺 canteen「嘟」一「嘟」就得(呢邊當然冇八達通)。膳食 system 幾完善,有圖有卡路里數字,又有晒紀錄,睇晒「嘟」過乜,食過乜飲過乜。

可以食飯堂 可以自己帶

喺香港,阿仔都返咗幾年全日制幼稚園,學校包三餐,早、午餐加茶點。食物內容種類絕對唔使擔心,「香港口味」加埋有老師「督」住,唔使驚佢餓親。

過到嚟,阿仔由一個「BB」變成一個「小朋友」,lunch time,掛住個 RFID 牌排隊「嘟」lunch,之後同幾個最 friend 嘅同學仔一齊搵位坐,一邊食飯一邊傾 Pokémon。半個鐘,好快過,結果當然係食唔晒,做大嘥鬼!

所以,決定幫佢 pack lunch,雖則一樣係食唔晒,不過起碼知佢食咗幾多,同埋可以迫佢返屋企食埋佢。

據阿仔話,原來都有好多同學仔自己帶 lunch 。

突破傳統 少見多怪

同學會帶 bagel、三文治、麵包,甚至乎餅乾 香港人過到去,梗係有新意思。我哋一早起身煮飯整壽司、飯團,煎餃子,炒飯炒麵,差在未有湯通粉湯意粉。

小鎮就係小鎮,帶幾件壽司,啲同學仔已經同阿仔改咗個花名叫 sushi monster,仲搞到發生「肢體碰撞」

擾攘一輪,老師介入,了解過後,發現原來有部分同學仔從未見過壽司真身,所以出現言語衝突,繼而

超市之選方便快捷

除咗「食學校」同「自家煮」,仲有第三個選擇:買現成。買現成不如食學校飯?係差唔多,不過叫做多啲花款。又真係,超級市場例如 Walmart、ALDI,都有好多即食 lunch pack,經濟,一蚊美金有交易,多款,味道又唔算(太)差。

幫阿仔 pack 咗咁耐 lunch,最偷鷄嗰次都應該係「餐蛋治烘底」(即係餐蛋多),充滿香港情懷。

唔好理,佢食晒。

作者三個A

2017年,一家三口選擇移民慶回歸。十五個鐘飛機、八個鐘頭車,終於到達俄亥俄州當中一個小鎮,大人細路,齊齊 Life Reboot。之不過,原來美國

阿仔今年成為小學雞,全日制,返學時間同香港學校差唔多,朝八至兩點半,要喺學校食埋晏。
又真係,超級市場例如 Walmart、ALDI,都有好多即食 lunch pack,經濟,一蚊美金有交易,多款,味道又唔算(太)差。
熱狗、薄餅一定唔少得,corn dog、西多士條、mac & cheese,西蘭花、雜果、沙律,配果汁、鮮奶,食得晒,再整多杯雪糕!
除咗「食學校」同「自家煮」,仲有第三個選擇:買現成。
熱門新聞
  • 【住豪宅劣質生活】呎價2萬5上層床下層客廳 住客:我都在死忍(足本版) 228,352 views
  • 【家有魔鬼僱主】有片慎入僱主狂鬧10分鐘 外傭含淚爆魔鬼家規(足本版) 167,631 views
  • 【曾是180磅肥師奶】50歲李婉華身體出事 咬緊牙關減走70磅變索媽(足本版) 85,091 views
  • 【個仔似足老豆】李琳琳老來得子 70歲姜大衛細仔只得22歲(足本版) 80,749 views
  • 【惡魔菲傭嚇死我】誘爬露台摸下體想動刀 9歲女:佢想殺死我(足本版) 48,438 views
  • 【45歲生日有花收】結婚10年一樣恩愛 張晉難忘蔡少芬三次拒愛(足本版) 42,744 views