< 返回
  • 【每日壹爆〡小超為錢反面】李澤鉅怒告大學buddy 30年兄弟情不及三塊地
  •   26,331 views │ 2018年12月05日
    留言()

 

係溫哥華呢個退休埠,最近有單新聞睇到啲「加燦」津津樂道。移民該地嘅香港人就當戲咁睇,Vancouver Sun上週六披露李澤鉅與相識30多年嘅同學許知仁(Terry Hui)原來因財失義,仲打起官司來。
Terry Hui係小超史丹福大學宿友嘅老死,與在柏克萊大學讀書嘅Terry Hui讀書時已一齊玩,小超老婆王富信(現改名王儷橋)都係Terry Hui阿媽介紹比小超。93年結婚時,Terry Hui仲充當小超嘅戥穿石(兄弟)。何解呢條「友誼船」會一朝沉沒?
是故友誼船又點及金船及銀船呢?利益所在也。話說1988年老超李嘉誠用協平世博(Concord Pacific)嘅名義投得溫哥華世博遺址,發展地產項目萬博豪園,當時溫哥華市政府漠財,賣地條件之一係協平世博承諾只要市政府有朝一日有水,就可以向協平世博買番部分地「吱」來興建公屋( Affordable Housing)。
世博遺址有六幅地原先預留起公屋,但地皮就一直丟空。99年李嘉誠父子都唔玩,把手持協平世博嘅股份以友情價2.2億加幣轉讓俾Terry Hui家族,爭拗位就係呢單刁啦!
話說李嘉誠當時以一間叫Warmglow公司另借950萬加幣俾Terry Hui,等佢可以買起埋原先起公屋的六塊地皮業權,不過李家一方就話呢筆錢唔喺借俾佢,而喺作為向市政府回購六幅地皮嘅訂金。正所謂利之所在,溫哥華市政府最近宣布六幅地皮當中,只須要三幅起公屋,另外三幅可以起私樓,咁地皮咪水漲船高囉!
雙方官司於2012年私底下解決,現時六幅地皮表面由協平世博持有,呢十幾年溫哥華地產升到爆,手持六幅地皮水漲船高。小超又點肯過你呢?同學仔都冇面俾。
熱門新聞
  • 【呢世最憎周潤發】曾經沉迷嫖賭飲 吳孟達嬲爆周潤發唔借錢(足本版) 151,410 views
  • 【監獄膳食黑幕】監獄廚房係油水位 江湖大佬可分多2隻雞翼(足本版) 120,853 views
  • 【捱過杜汶澤婚外情】田蕊妮死守19年 俾老公用100蚊搞掂:我好崇拜佢(足本版) 104,227 views
  • 【黑幫14K操控】一條街十幾個妓女 元朗企街狼招拉客極擾民(足本版) 76,326 views
  • 【何志平種錯生基出事】富豪御用風水師爆料 何志平信錯師傅:佢難逃一劫(足本版) 73,905 views
  • 【心臟衰竭執番條命】66歲患糖尿困擾 吳孟達親述:自己辛苦身邊人都辛苦(足本版) 56,659 views